टीम मंगळवेढा टाईम्स । सोलापूर शहराबाहेर जिल्ह्यातील ग्रामीण भागात ही कोरोनाने धुमाकूळ घातला आहे.विठ्ठलाच्या पंढरीतही कोरोनाने शिरकाव केला आहे.संत पेठमधील महापूर चाळ परिसरातील आठ व्यक्तींचे कोरोना रिपोर्ट पॉझिटिव्ह आले आहेत. त्यामुळे शहरातील रुग्णांची संख्या 43 वर पोचली आहे, अशी माहिती तालुका वैद्यकीय अधिकारी डॉ. एकनाथ बोधले यांनी दिली.
पंढरपूर शहरातील रोहिदास चौकातील तीन, मंदिर परिसरातील संत तुकाराम भवनजवळील एक, झेंडे गल्लीमधील एक अशा पाच व्यक्तींचे रिपोर्ट सोमवारी पॉझिटिव्ह आले होते. त्यानंतर रात्री उशिरा आलेल्या अहवालात शहरातील संत पेठेतील महापूर चाळ भागातील एका कुटुंबातील चार आणि दुसऱ्या कुटुंबातील तीन व्यक्तींचे रिपोर्ट पॉझिटिव्ह आले आहेत.
हे रिपोर्ट मिळताच प्रांताधिकारी सचिन ढोले, नगरपालिकेचे मुख्याधिकारी अनिकेत मानोरकर, उपमुख्य अधिकारी सुनील वाळूजकर, तालुका वैद्यकीय अधिकारी डॉ. एकनाथ बोधले यांच्यासह संबंधित अधिकाऱ्यांनी संत पेठ भागात जाऊन उपाययोजना सुरू केल्या असून, परिसर सील केला आहे.
रात्री उशिरा आलेल्या अहवालात तालुक्यातील रोपळे येथील एका व्यक्तीचा रिपोर्ट देखील पॉझिटिव्ह आला. शहर व तालुक्यातील रुग्णांची संख्या 65 झाली. सध्या उपचार सुरू असलेल्या 32 व्यक्तींमध्ये शहरातील 21, तालुक्‍याच्या ग्रामीण भागातील सहा आणि इतर तालुके व जिल्ह्यांमधील पाच व्यक्तींचा समावेश आहे. आजपर्यंत शहरातील दोन व्यक्तींचा मृत्यू झाला आहे.
सध्या 189 लोकांना संस्थात्मक विलगीकरणामध्ये ठेवण्यात आले आहे. आतापर्यंत शहर व तालुक्यातील 1083 व्यक्तींची तपासणी करण्यात आली. त्यापैकी 963 व्यक्तींचे अहवाल प्राप्त झाले असून अद्याप 120 अहवाल प्रलंबित आहेत.
शहरातील रुग्णांची दिवसेंदिवस संख्या वाढत चालली आहे. अनेक प्रकारच्या उपाययोजना केल्या जात आहेत. तथापि, नागरिकांनी विनाकारण घराबाहेर पडू नये, असे आवाहन प्रांताधिकारी सचिन ढोले यांनी केले आहे.
Eight corona positive patients found in Mahapur Chawl area of Pandharpur; Seal the banana premises
—————————
ब्रेकिंग बातम्या मोबाईलवर मिळवण्यासाठी आम्हाला 9561617373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
