टीम मंगळवेढा टाईम्स |
ग्रामीण भागातील सुशिक्षित बेरोजगार तरुण-तरुणींना हक्काचा रोजगार मिळवून देण्यासाठी मंगळवेढा पंचायत समिती आणि ‘प्रथम एज्युकेशन फाउंडेशन, पुणे’ यांच्या संयुक्त विद्यमाने एक अत्यंत महत्त्वाचा उपक्रम हाती घेण्यात आला आहे, अशी माहिती पत्राद्वारे समोर आली आहे.
या अंतर्गत ऑटोमोटिव्ह, इलेक्ट्रिकल, सोलर आणि हेल्थ केअर क्षेत्रात करिअर करू इच्छिणाऱ्या युवकांना मोफत व सवलतीच्या दरात निवासी प्रशिक्षणाची सुवर्णसंधी उपलब्ध करून देण्यात आली आहे.
मिळालेल्या माहितीनुसार, पंचायत समिती मंगलवेढाचे गट विकास अधिकारी योगेश कांबळे यांनी तालुक्यातील सर्व सरपंच आणि ग्रामपंचायत अधिकाऱ्यांना आपापल्या गावात या योजनेची जास्तीत जास्त जनजागृती करण्याचे आदेश दिले आहेत.
कोणत्या क्षेत्रात मिळणार प्रशिक्षण?
दिलेल्या तपशिलानुसार खालील कोर्सेससाठी विद्यार्थ्यांना प्रवेश दिला जाणार आहे:
फोर व्हीलर टेक्निशियन (ऑटोमोटिव्ह क्षेत्र): लोहगाव (पुणे) व सातारा येथे निवासी प्रशिक्षण.
इलेक्ट्रिकल आणि सोलर क्षेत्र: भोर येथे निवासी प्रशिक्षण.
जनरल ड्युटी असिस्टंट (हेल्थ केअर): बारामती येथे अनिवासी (Non-residential) कोर्स.
काय आहेत मुख्य वैशिष्ट्ये आणि फायदे?
राहण्याची व जेवणाची उत्तम सोय: पात्र विद्यार्थ्यांसाठी निवासी केंद्रांमध्ये राहण्याची आणि खाण्याची व्यवस्था पूर्णपणे मोफत किंवा अत्यंत सवलतीच्या दरात केली जाईल.
१००% नोकरीसाठी साहाय्य: कोर्स यशस्वीरीत्या पूर्ण करणाऱ्या सर्व विद्यार्थ्यांना १०० टक्के नोकरी मिळवून देण्यासाठी संस्था पूर्ण सहकार्य करणार आहे.
SC प्रवर्गातील विद्यार्थ्यांना विशेष सवलत व विद्यावेतन: डॉ. बाबासाहेब आंबेडकर संशोधन व प्रशिक्षण केंद्र (बार्टी), पुणे यांच्याशी झालेल्या सामंजस्य करारानुसार, अनुसूचित जातीच्या (SC) विद्यार्थ्यांना कोर्स पूर्ण केल्यास प्रतिमहा ₹४,०००/- विद्यावेतन (Stipend) बार्टीमार्फत दिले जाईल. तसेच त्यांच्यासाठी कोर्स फी फक्त ₹१,२००/- असेल (इतर विद्यार्थ्यांसाठी बारामती येथील कोर्ससाठी ₹२,०००/- फी आहे).
त्वरित नोंदणी करा! येथे साधा संपर्क:
आपल्या गावातील बेरोजगार युवक-युवतींनी या योजनेचा जास्तीत जास्त लाभ घ्यावा आणि आपली नोंदणी निश्चित करावी, असे आवाहन प्रशासनाने केले आहे.
अधिक माहिती आणि मार्गदर्शनासाठी खालील क्रमांकावर संपर्क साधण्याचे आवाहन करण्यात आले आहे: मार्गदर्शक: अतुल मोरे मोबाईल नंबर: 9960546672 या क्रमांकावर संपर्क साधावा असे आवाहन पंचायत समिती सभापती सभापती दीपाली आनंद ताड यांनी केले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
