टीम मंगळवेढा टाईम्स ।
नवनिर्वाचित सभापतींनी खुर्चीवर बसून हार-तुरे स्वीकारण्यापेक्षा थेट मैदानात उतरून कामाला पसंती दिली, तर प्रशासकीय वर्तुळात त्याची चर्चा नक्कीच होते. मंगळवेढा पंचायत समितीच्या नूतन सभापती दिपाली आनंद ताड यांनी नेमका हाच पायंडा पाडला आहे.
आमदार समाधान आवताडे यांच्या मार्गदर्शनाखाली पदभार स्वीकारल्यानंतर, पहिल्याच दिवशी त्यांनी आपला मोर्चा जिल्हा परिषद शाळा आणि अंगणवाड्यांकडे वळवला.
कालच पदभार हाती घेतलेल्या दिपाली ताड यांनी आज सकाळीच विविध शाळांना भेटी दिल्या. यावेळी त्यांनी केवळ औपचारिक पाहणी न करता, विद्यार्थ्यांशी संवाद साधला. प्रामुख्याने शालेय पोषण आहार योजनेची अंमलबजावणी कशी होतेय आणि मुलांना यात काही अडचणी येत आहेत का, याची सविस्तर माहिती त्यांनी जाणून घेतली.
थेट संवाद:
अंगणवाडीतील चिमुकल्यांशी संवाद साधून त्यांच्या अडीअडचणी समजून घेतल्या.
गुणवत्तेवर भर:
पोषण आहाराचा दर्जा आणि वितरणातील पारदर्शकता तपासली.
लोकसंपर्काचा अनुभव:
सामाजिक कार्याची जुनी आवड असल्याने, प्रशासकीय कामकाजात सर्वसामान्यांच्या प्रश्नांना प्राधान्य देण्याचा मानस त्यांनी बोलून दाखवला.
”सर्वसामान्य नागरिकांच्या आणि विद्यार्थ्यांच्या अडीअडचणींची मला जाणीव आहे. आमदार समाधान आवताडे यांच्या मार्गदर्शनाखाली तालुक्यातील प्रलंबित प्रश्न मार्गी लावण्यासाठी मी कटिबद्ध आहे. येणाऱ्या काळात प्रत्येक घटकाला न्याय मिळेल, असा माझा प्रयत्न राहील.- दिपाली आनंद ताड, सभापती, पं.स. मंगळवेढा)
कामाचा धडाका चर्चेत
मंगळवेढ्यात राजकारण आणि समाजकारण नेहमीच सक्रिय असते. अशातच एका महिला सभापतींनी पहिल्याच दिवशी दाखवलेल्या या तत्परतेचे सर्वत्र कौतुक होत आहे. पदभार स्वीकारताच ‘ऑन ड्युटी’ राहण्याच्या त्यांच्या या स्टाईलमुळे आगामी काळात पंचायत समितीच्या कामकाजात मोठी सुधारणा होण्याची चिन्हे दिसत आहेत.
बिले वस्ती शाळेस व अंगणवाडीस सदिच्छा भेट
भेटी दरम्यान शालेय परिसर स्वच्छता. शालेय पोषण आहार. विद्यार्थ्यांची गुणवत्ता, पिण्याचे पाणी इत्यादी बद्दल माहिती घेतली. परिसर स्वच्छता शाळेची गुणवत्ता याबद्दल समाधान व्यक्त केले.
यावेळी शाळेचे मुख्याध्यापक सुनील कोळेकर गुरुजी, उपशिक्षक अण्णासाहेब चव्हाण गुरुजी, अंगणवाडी सेविका मनिषा चव्हाण, मदतनीस रोहिणी सावंत ,शालेय व्यवस्थापन समितीचे अध्यक्ष इंद्रजीत ताड ,उपाध्यक्ष रविकिरण पवार, माजी उपसरपंच दादा ताड, प्रगतशील बागायतदार आबासाहेब ताड, उमेश क्षीरसागर, गणेश ताड आदी उपस्थित होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
