टीम मंगळवेढा टाईम्स।
जयवंत संस्थेचे व भैरवनाथ शुगर्सचे सर्वेसर्वा आ.तानाजी सावंत यांनी मंत्री पदाची शपथ घेतल्यानंतर मंगळवेढा तालुक्यात जल्लोष करण्यात आला.
मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या मंत्रिमंडळामध्ये कॅबिनेट मंत्री म्हणून एकनाथ शिंदे यांच्या कोट्यातून त्यांना मोठी संधी मिळाली आहे.
दरम्यान, आज रात्री उशीरा खाते वाटप केले जाणार असून नामदार तानाजी सावंत यांना उच्च आणि तंत्र शिक्षण हे खात मिळणार असल्याची चर्चा सुरू आहे. ( Namdar Tanaji Sawant will get the post of Higher and Technical Education)
ना.तानाजी सावंत हे उस्मानाबाद जिल्ह्यातील परंडा येथील आमदार असले तरी त्यांचा लवंगी, ता. मंगळवेढा येथील भैरवनाथ शुगर युनिट 3 या साखर कारखानदारीच्या निमित्ताने मंगळवेढा तालुक्याच्या दक्षिण भागाशी लवंगी परीसरात त्यांचा संबंध आला.
मंगळवेढा तालुक्यासह शेजारच्या तालुक्याच्या ऊस गाळपाची सोय झाली व तालुक्यातील काही बेरोजगारांना नोकरीच्या निमित्ताने संधी मिळाल्या त्यामुळे साहजिकच त्यांचे या भागांमध्ये समर्थक निर्माण झाले आहेत.
2014 ते 19 या कालावधीत ते कॅबिनेट मंत्री म्हणून राहिले होते. मात्र, राज्यात सत्ता बदलाच्या नाट्यमय घडामोडीनंतर त्यांना पुन्हा संधी मिळाली नसल्याने त्यांच्या समर्थकांमध्ये खदखद होती.
परंतु, नुकत्याच झालेल्या सत्ता बदलाच्या नाट्यमय घडामोडीनंतर राज्याच्या मुख्यमंत्रीपदी एकनाथ शिंदे विराजमान झाल्यानंतर त्यांच्यासोबत राहिलेले ना. तानाजी सावंत यांचा समावेश निश्चित मानला जात होता.
मात्र, संधी कधी मिळणार याची उत्सुकता या भागात लागली होती.आज मंत्रिमंडळ विस्तारामध्ये कॅबिनेट मंत्रिपदासाठी शपथविधी ग्रहण केल्यानंतर मंगळवेढा तालुक्यातील लवंगी, सलगर बुद्रुक या भागात फटाके उधळण करून जल्लोष करण्यात आला.
सावंत यांनी यापूर्वी जलसंपदा मंत्री असताना म्हैसाळ योजनेतील वंचित आठ गावांचा सर्वेक्षण करण्याबाबत शिवसेनेच्या तत्कालीन नेत्या शैला गोडसे यांनी केलेल्या पाठपुराव्याची दखल घेत सर्वे करण्याचे आदेश दिले होते.
त्यामुळे हा प्रश्न अजूनही रखडलेला आहे. त्यामुळे या प्रश्नाला आता न्याय मिळणे शक्य होणार आहे. त्यामुळे या भागात त्याबद्दल आनंद व्यक्त केला जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज