टीम मंगळवेढा टाईम्स ।
मंगळवेढा येथील श्री संत दामाजी सहकारी साखर कारखान्याच्या निवडणुकीतील सर्व विजयी उमेदवारांचे आमदार समाधान आवताडे यांनी अभिनंदन करून त्यांना पुढील कार्यास शुभेच्छा दिल्या आहेत.
काल रात्री 11 वाजता दामाजी कारखान्याचा अधिकृत निकाल प्रशासनाने जाहीर केला.
या संदर्भात आमदार समाधान अवताडे यांनी प्रसिद्धीपत्रक काढून म्हटले आहे की, प्रिय शेतकरी, सभासद , कर्मचारी बंधू – भगिनी श्री संत दामाजी सहकारी साखर कारखान्याच्या पंचवार्षिक निवडणुकीमध्ये आपण दिलेला कौल आम्हाला मान्य आहे.
आपण मतपेटीद्वारे श्री संत दामाजी शेतकरी विकास आघाडीच्या सर्व उमेदवारांना जो प्रतिसाद दिलात त्याबद्दल धन्यवाद.
गेली ६ वर्षे आपण आम्हाला आपली, कारखान्याची आणि ऊस उत्पादक शेतकऱ्यांची सेवा करण्याची संधी दिलीत त्याबद्दल आम्ही कायम आपले ऋणी आहोत.
कारखाना, शेतकरी, सभासद आणि कर्मचारी यांचे हित समोर ठेवूनच यापुढेही आम्ही आपल्यासाठी कार्यरत राहू हे मी आपणास वचन देतो.
ह्या निवडणुकीमध्ये विजयी झालेल्या सर्व उमेदवारांचे अभिनंदन तसेच पुढील वाटचालीस शुभेच्छा देऊन कारखान्याच्या हितामध्ये आम्ही सदैव सहकार्य देऊ असे आ.समाधान आवताडे यांनी म्हंटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज