मंगळवेढा टाईम्स न्युज नेटवर्क।
जिल्हा परिषद निवडणुकीत सोलापूरात पहिल्यांदा भाजपला सर्वाधिक ३८ जागांसह पूर्ण बहुमत मिळाले आहे. येत्या १८ मार्च रोजी अध्यक्षपदाची निवड होणार आहे.
त्यापूर्वी भाजपच्या गटनेतेपदाची निवड मंगळवारी (दि.१०) जाहीर होणार आहे. दरम्यान, राष्ट्रवादी काँग्रेस (अजित पवार), शिवसेना (शिंदेगट) यांनी अगोदर मोहोळ तालुक्यातील उमेदवारांची पक्षाच्या गटनेतेपदी निवड केलेली आहे.
जिल्हा परिषदेचे अध्यक्षपद ओबीसी सर्वसाधारण गटासाठी राखीव आहे. भाजपकडे या प्रवर्गातून ९ उमेदवार निवडून आले आहेत. त्यापैकी कोणाच्या गळ्यात अध्यक्षपदाची माळ पडणार हा औत्सुक्याचा विषय ठरला. ग्रामविकास मंत्री तथा पालकमंत्री जयकुमार गोरे यांनी अध्यक्षपदाबाबत चाचणी केली.
माढा लोकसभा मतदारसंघातील गटाला संधी द्यायची की सोलापूर लोकसभा मतदारसंघातील, यावर पक्षात खल सुरु आहे.
गेल्या आठवड्यात मुख्यमंत्री देवेंद्र फडणवीस यांच्यासमोर या विषयांवर प्रमुख नेत्यांची चर्चा झाली. फडणवीस यांनी पालकमंत्री यांनी चर्चा करून अध्यक्षपदाचे नाव कळवावे, अशा सूचना दिल्या होत्या.
सोमवारी भाजपच्या गटनेतेपदाची निवड जाहीर होणार अशी चर्चा होती. पण जिल्हाध्यक्ष शशिकांत चव्हाण म्हणाले, की मंगळवारी हे नाव जाहीर होईल.
शिवसेना, राष्ट्रवादीने जाहीर केल्या निवडी
शिवसेना (शिंदे गट) ८ सदस्य आहेत. पेनूरचे चरणराज चवरे यांची गटनेतेपदी निवड झाली आहे. तर, राष्ट्रवादी काँग्रेस (अजित पवार) पक्षाचे ११ सदस्य असून मोडनिंबचे विजयराज डोंगरे यांची गटनेतेपदी निवड जाहीर केली आहे. राष्ट्रवादी व शिवसेना या दोन्ही पक्षांनी मोहोळ तालुक्यातील गटनेता निवडला आहे.
मंत्री अन् आमदारकीसाठी दुर्लक्ष ?
अक्कलकोटचे आमदार सचिन कल्याणशट्टी यांच्या पत्नी शांभवी यांनी अध्यक्षपद घेण्यास नकार दर्शवला आहे. झेडपी अध्यक्षपद ऐवजी मंत्रीपद मिळवण्यासाठी कल्याणशेट्टी इच्छूक असल्याचे कार्यकर्त्यांमध्ये चर्चा आहे.
बार्शीतील सर्व जागा भाजपने जिंकल्याने माजी आमदार राजेंद्र राऊत यांच्या गटाला अध्यक्षपद मिळण्याची चर्चा होती. पण राऊतांना अध्यक्षपदापेक्षा विधान परिषदेत जाण्यावर रस आहे.
आमदार समाधान आवताडे यांनी पंढरपूर-मंगळवेढ्याच्या मातीत भाजपचे कमळ दुसऱ्यांदा फुलवून आपले राजकीय वर्चस्व सिद्ध केले आहे.
केवळ निवडणूक जिंकणेच नव्हे, तर पक्ष विस्तारासाठी त्यांनी घेतलेले अपार कष्ट आणि कार्यकर्त्यांचे विणलेले जाळे यामुळे आज हे नेतृत्व राज्याच्या राजकारणात केंद्रस्थानी आले आहे. आवताडे यांची ही ‘दुसरी इनिंग’ आता मोठ्या संधींची दारे उघडणारी ठरणार असल्याची जोरदार चर्चा आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
