मंगळवेढा टाईम्स न्युज नेटवर्क।
केंद्रीय निवडणूक आयोगाच्या आदेशानुसार सोलापुरात ‘विशेष सखोल पुनरीक्षण कार्यक्रम’ सुरू आहे. राष्ट्रीय कामात दिरंगाई, हलगर्जीपणा आणि टाळाटाळ केल्याप्रकरणी सोलापूर शहरातील एका शिक्षकाविरुद्ध सदर बझार पोलिस ठाण्यात गुन्हा दाखल करण्यात आला आहे.
अनंत अरुणराव पाटील (इंदिरा प्राथमिक शाळा, विडी घरकुल, सोलापूर) असे गुन्हा दाखल करण्यात आलेल्या शिक्षकाचे नाव आहे. याप्रकरणी शहर उत्तर मतदारसंघाचे पर्यवेक्षक मुकेश पांडुरंग बहुरकर (वय ३३) यांनी फिर्याद दिली आहे.
शहर उत्तर विधानसभा मतदारसंघातील यादी भाग क्र. १५२ ते १६१ मध्ये पर्यवेक्षक म्हणून मुकेश बहुरकर काम पाहत आहेत. एसआयआरसाठी शिक्षक अनंत पाटील यांच्याकडे भाग क्र. १६१ च्या कामाची जबाबदारी दिली होती. त्यांना दि. ३ जुलै रोजी निवडणूक कामाशी संबंधित फॉर्म वाटप करण्याचे काम सोपविली होती.
शिक्षक अनंत पाटील यांनी त्यांना दिलेले काम विहित मुदतीत पूर्ण केले नाही. मोबाइल फोन बंद करून ठेवला होता. बहुरकर यांनी थेट त्यांच्या शाळेत जाऊन चौकशी केली असता आणि त्यांच्या घरी भेट दिली असता, पाटील तिथेही उपस्थित नसल्याचे समोर आले.
कारणे दाखवा नोटिसाला असमाधानकारक उत्तर
या गंभीर हलगर्जीपणाबाबत निवडणूक कार्यालयामार्फत दि. ८ जुलै रोजी शिक्षक अनंत पाटील यांना ‘कारणे दाखवा नोटीस’देखील बजाविली होती. मात्र त्यांनी कोणताही खुलासा सादर केला नाही.
निवडणुकीच्या राष्ट्रीय कामात अडथळा आणणे, वरिष्ठांच्या आदेशांचे उल्लंघन करणे, आणि कामात कुचराई केल्याने गुन्हा दाखल करण्यात आला आहे. या घटनेचा अधिक तपास हेड कॉन्स्टेबल ज्योती नागनाथ लमतुरे या करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
