टीम मंगळवेढा टाईम्स ।
देशातील सर्वात जास्त मार्केट व्हॅल्यू असलेली कंपनी आपले नवे वेब पोर्टल जिओ मार्ट सुरू केले आहे. जिओ मार्ट ऍप सुरू झाले असून ग्राहकांना आता अमेझॉन व फ्लिपकार्टवरून वस्तू खरेदी करण्या ऐवजी आता मंगळवेढ्यातुन जिओ मार्ट डिजिटलच्या माध्यमातून स्थानिक दुकानातुन खरेदी करता येणार आहेत.
डॉ.शरद शिर्के यांनी ही सेवा मंगळवेढ्यात उपलब्ध करून दिली असून शहरातील व तालुक्यातील जिओ मोबाईल दुकानदारांकडे ग्राहकांना जाऊन आपल्या मनपसंत वस्तू मागवता येणार आहेत.
याप्रसंगी नगरसेवक राहुल सावंजी, पंढरपूरचे जिओ सेंटर मॅनेजर श्री सिद्राम दंडगळ, पंढरपूर चे सेल्स हेड श्री नागेश चौगुले, सैफ बागवान,पत्रकार समाधान फुगारे, विजय माळी (गणेश मोबाईल) ,सुनील पाटील (पांडुरंग मोबाईल), शरद शिर्के (साई मोबाईल गैलरी), विकास इंगळे (श्रेयस टेलिकॉम), उमेश मर्दा (बालाजी टेलिकॉम) आणि संदीप फडतरे आदीजन उपस्थित होते.
रिलायन्सने टेलिकॉम आणि ब्रॉडबॅंड सेक्टरमध्ये एंट्री केल्यानंतर आता ऑनलाईन ग्रोसरी आणि फूड शॉपिंगच्या व्यापारात उतरली आहे.
काय आहे जिओ मार्ट?
सध्या जिओच्या संकेतस्थळावर कंपनी जिओ मार्टचे एक वेगळे पेज चालवत आहे. कंपनीने देश की नई दुकान अशी जिओ मार्टला टॅगलाईन दिली आहे.
सध्या जिओ मार्टची सुविधा ठाणे, कल्याण आणि नवी मुंबईसह मंगळवेढा या ठिकाणी उपलब्ध आहे. या साइटवर फ्री होम डिलिव्हरी, प्री रजिस्ट्रेशन डिस्काउंट आणि २० हजारांपेक्षा जास्त वस्तू ऑनलाईन खरेदी करण्याची सुविधा दिली आहे.
ग्राहकांना काय फायदा होणार?
ग्राहक इलेक्ट्रॉनिक्स आणि गॅझेट्स, आंतरराष्ट्रीय लक्झरी ब्रँड्स, परिधान आणि दागिने, किराणा, ऑटोमोबाईल, फर्निचर,मोबाईल, टीव्ही आशा विविध श्रेणींमध्ये ऑफर मध्ये वस्तू ग्राहकांना खरेदी करता येणार आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज