टीम मंगळवेढा टाईम्स ।
मंगळवेढा शहरातून भरदिवसा मोटारसायकल चोरी होण्याच्या प्रमाणात वाढ होत असून आज सकाळी मंगळवेढा-पंढरपूर रोडवरील बायपास येथे लावण्यात आलेली बुलेट चोरीला गेली आहे.
याबाबत सविस्तर माहिती अशी की, जयदीप रत्नपारखी हे आज सकाळी 5.50 ते 6.20 च्या दरम्यान (बुलेट क्रं. एम.एच.13.डी. एन. 8081) ही मोटारसायकल घाडगे कलेक्शन समोरील रोडवर लावून व्यायामासाठी जयदीप रत्नपारखी गेले असता तिथून ती चोरी करण्यात आली आहे.
निळ्या रंगाची असलेली बुलेट कुणास आढळल्यास 7720930008 या नंबरवर संपर्क साधण्याचे आवाहन रत्नपारखी यांनी केले आहे.
हुलजंती येथे घरफोडी १ लाख १७ हजारांचा मुद्देमाल लंपास
मंगळवेढा तालुक्यातील हुलजंती येथील रेशनदुकानदार धोंडाप्पा कृष्णा भोरकडे (वय ४०) यांच्या घराच्या कपाटाचे लॉकरमध्ये ठेवलेले २५ हजार रुपये किमतीचे एक तोळयाचे गंठण, २५ हजार रुपये किमतीचे कानातील झुबे व बदाम , १२५०० रुपये किमतीच्या ठुशी , १२५०० रुपये किमतीचे कानातील धडकन , रोख रक्कम २२ हजार रुपये असा एकूण ९७ हजार रुपयांच्या मुद्देमालाची चोरी झाली आहे.
तसेच हुलजंती येथील नानासाहेब गोपाळ चोपडे यांच्या हॉस्पीटलचे बंद दरवाजाचे कुलूप कोयंडा तोडून आत प्रवेश करून २० हजार रुपयांची चोरी झाली आहे.
भोरकडे यांचा ९७ हजार तर डॉ.चोपडे यांची २० हजार असा एकूण १ लाख १७ हजार रुपयांचा मुद्देमाल चोरांनी पळविला आहे.अज्ञात चोरटयाविरोधात भा.द.वि. सं.कलम ४५७,३८० प्रमाणे गुन्हा दाखल करण्यात आला असून अधिक तपास सहाय्यक पोलिस निरिक्षक सत्यजीत आवटे हे करीत आहेत.
नंदूर येथे ६० हजार रुपयांच्या मुद्देमालाची चोरी
मंगळवेढा तालुक्यातील नंदूर येथे अज्ञात चोरटयाने घराचे दरवाजाचे कुलूप तोडून ६० हजार रुपयांचा मुद्देमाल पळविल्याची घटना घडली आहे.
याबाबत सविस्तर वृत्त असे की , नंदूर येथील फिर्यादी शिवराज मल्लिकार्जून बिराजदार ( वय १ ९ रा.नंदूर ) यांचे दि . ६ जून रोजी सायंकाळी ७.०० ते ७ जून पहाटे ५.३० च्या दरम्यान कोणीतरी अज्ञात चोरांनी घराच्या दरवाजाचे कुलूप कोयंडा तोडून कपाटात ठेवलेले ४० हजार रुपये किमतीचे ५/५ ग्रॅमच्या दोन अंगठया , रोख रक्कम , रोख रक्कम २० हजार रुपये असा एकूण ६० हजार रुपयांचा मुद्देमाल अज्ञात चोरांनी चोरून नेल्याची फिर्याद शिवराज बिराजदार यांनी मंगळवेढा पोलिसात दिली असून अज्ञात चोराविरोधात भा.द.वि. सं.कलम ३८०,४५७ प्रमाणे गुन्हा दाखल करण्यात आला असून याचा अधिक तपास स.पो.फौ.बाबर हे करीत आहेत.
आंधळगाव येथून मोटर सायकलची चोरी
आंधळगाव येथून सकाळी १०.०० चे दरम्यान आंधळगाव येथील नागणे वस्ती येथून काळया रंगाची बजाज कंपनीची मोटर सायकल ( एम एच १३ , सी एम ४३६३ ) अज्ञात चोरटयाने पळवून नेल्याची फिर्याद अनिल शिवाजी नागणे यांनी मंगळवेढा पोलिसात दिली आहे.
अज्ञात चोरटयाविरोधात भा.द.वि.सं.कलम ३७ ९ एम प्रमाणे गुन्हा दाखल करण्यात आला असून याचा पळवून अधिक तपास पो.ना. येलपले हे करीत आहेत .
नंदूर येथून मोटर सायकल पळविली
नंदूर येथील फिर्यादी दुर्यो धन शंकर पुजारी (वय ५०) यांची शाईन कंपनीची मोटर सायकल एम एच १३ एजी ७८२० दि . ७ जून रोजी रात्री ११.४५ ते ८ जून पहाटे ५.०० च्या दरम्यान नंदूर चौक नंदूर ता. मंगळवेढा येथे घरासमोर अंगणात लावलेली मोटर चोरटयांनी पळवून नेली आहे.
अज्ञात चोरटयाविरोधात भा.द.वि.सं.कलम ३७ ९ प्रमाणे गुन्हा दाखल करण्यात आला असून याचा अधिक तपास पो.ना. निंबाळकर हे करीत आहेत.
शासकीय कार्यालयातून संगणक साहित्यासह दुचाकीची चोरी
मंगळवेढा येथील पंचायत समितीच्या शिक्षण विभागातील संगणक , संगणक साहित्यासह व इतर एका खाजगी व्यक्तीच्या दुचाकीची अज्ञात चोरट्यांनी चोरी केली असून या बाबतची फिर्याद गटशिक्षणाधिकारी पोपट लवटे यांनी दिली आहे.
पंचायत समितीच्या शिक्षण विभागातील पंचवीस हजार किमतीचा संगणक व पंधरा हजार रुपये किमतीचा जुना संगणक , दहा हजार रुपये किमतीचा शिक्षण विस्तार अधिकारी बजरंग पांढरे यांच्या निवासस्थानातील डीव्हीडी प्लेअर व पाणी फिल्टर आदी साहित्य अज्ञात चोरट्यांनी ता .४ ते ६ सकाळी नऊच्या दरम्यान चोरून नेल्याचे फिर्यादीत म्हटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज