मंगळवेढा टाइम्स न्यूज नेटवर्क ।
मंगळवेढा व सांगोला तालुक्यातील गावांना टंचाईमधून म्हैसाळ सिंचन योजनेतून साठवण तलाव भरून द्यावा अशी मागणी आमदार प्रशांत परिचारक यांनी उपमुख्यमंत्री तथा जलसंपदा मंत्री देवेंद्र फडणवीस यांच्याकडे केली आहे.
याबाबत परिचारक यांनी उपमुख्यमंत्री फडणवीस यांना निवेदन दिले असून यामध्ये, म्हैसाळ उपसा सिंचन योजनेतून सांगोला व मंगळवेढा तालुक्यातील दुष्काळी गावातील साठवण तलाव भरून देण्याची मागणी केली आहे.
मंगळवेढा तालुक्यातील कायम दुष्काळी अशा भागातील काही गावांना म्हैसाळ सिंचन योजनेतून आर्वतन चालू आहे. तसेच दक्षिण भागातील पडोळकरवाडी, लोणार, भोसे, हुन्नुर, महमंदाबाद हु, रेवेवाडी, शिरनांदगी, मारोळी, सलगर बु, लवंगी, भोसे, चिक्कलगी, जंगलगी, पौट, आसबेवाडी,
शिवणगी, सोड्डी, येळगी, सलगर खु, मानेवाडी व सांगोला तालुक्यातील गावामध्ये साठवण तलाव आहेत. परंतु पाऊस कमी असल्याने सदर साठवण तलाव पुर्णपणे कोरडे आहेत. त्यामुळे सांगोला व मंगळवेढा तालुक्यातील गावामध्ये पिण्याची पाण्याची व जनावरांच्या चाऱ्याची अतिशय टंचाई निर्माण लवकरात झाली आहे.
ही टंचाई दूर करण्यासाठी सध्या म्हैसाळ सिंचन योजनेचे आवर्तन चालू आहे. या आवर्तनामधून सांगोला व मंगळवेढा तालुक्यातील साठवण तलाव पुर्ण क्षमतेने भरून घेतल्यास शेतकऱ्याचा पाण्याचा प्रश्न व जनावरांच्या पिण्याच्या पाण्याचा व चाऱ्याचा प्रश्न सुटणार आहे.
यासाठी सांगोला व मंगळवेढा तालुक्यातील साठवण लवकर तलाव भरून घेण्याची मागणी केली. याबाबत उपमुख्यमंत्री फडणवीस यांनी सकारात्मक प्रतिसाद दिला असल्याचे प्रशांत परिचारक यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
