टीम मंगळवेढा टाईम्स ।
बार्शी तालुक्यात एक धक्कादायक बाब समोर आली आहे. येथील फपाळवाडी येथे तीन शेतकऱ्यांनी शेतामध्ये बेकायदेशीररित्या अफूची लागवड केली होती.
अफू विकण्याच्या उद्देशाने केल्या या लावगडीवर पोलिसांनी छापा टाकला
पोलिसांनी सुमारे पंधरा लाखाचा ऐवज जप्त करत तालुका पोलीस स्टेशनमध्ये तीन शेतकऱ्यांवर गुन्हे दाखल केले आहेत.
सहाय्यक पोलीस निरीक्षक शिवाजी जायपत्रे यांची प्रतिक्रिया पोलिसांनी दिलेल्या माहितीनुसार, बार्शी तालुक्यातील फपाळवाडी येथे बेकायदा अफूची लागवड केल्याची माहिती गुप्त बातमीदारामार्फत पोलिसांना समजली.
त्यानुसार तालुका पोलीस ठाण्याचे प्रभारी अधिकारी शिवाजी जायपत्रे यांच्या मार्गदर्शनाखाली घटनास्थळी जाऊन पाहणी केली.
अरुण फपाळ यांच्या गट नंबर 27, 28, 29 रामेश्वर फपाळ यांच्या गट नंबर 31, 32 तर राज्य भोपाळ यांच्या गट नंबर 46 मध्ये पोलिसांनी छापा टाकला. यात पोलिसांनी सुमारे 727 किलो अफू जप्त केला. त्याची अंदाजे किंमत 14 लाख 54 हजार एवढी आहे.
अंमली पदार्थाच्या वनस्पतीची बेकायदेशीर लागवड केल्याप्रकरणी रामेश्वर गबरक फळ (वय 42) अशोक धर्मा फपाळ (वय 54) दत्तात्रेय उर्फ राजभाऊ फपाळ (वय 58) तिघेही रा. फपाळवाडी यांच्यावर तालुका पोलीस ठाण्यात गुन्हा दाखल करण्यात आला आहे.
ही कारवाई पोलीस अधीक्षक तेजस्वी सातपुते यांच्या मार्गदर्शनानुसार सहाय्यक पोलीस निरीक्षक शिवाजी जायपत्रे यांच्या पथकाने केली आहे. या घटनेचा अधिक तपास शिवाजी जायपत्रे हे करत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज