टीम मंगळवेढा टाईम्स ।
मंगळवेढा तालुक्यातील खुपसंगी येथील माजी सैनिक भागवत तायापा चौगुले (वय ६०) याने दि.४ मार्च रोजी सकाळी १०.३० वा दारूच्या नशेत गळफास घेवून आत्महत्या केली आहे.
याबाबत अधिक माहिती अशी की, भागवत चौगुले याने दारूच्या नशेत राहते घराचे वरच्या मजल्यावरील पत्र्याच्या खोलीतील लोखंडी अँगलला गळफास घेवून तो मयत झाला.
याची खबर मयताचा भाऊ अशोक चौगुले यांनी मंगळवेढा पोलिसात दिली असून अधिक तपास सहाय्यक पोलिस निरिक्षक अमोल बामणे हे करीत आहेत.
आजच भेट द्या अमर इलेक्ट्रॉनिक्स
माचणूर सजेचे निलंबीत झालेले ते कोतवाल पुन्हा सेवेत
मंगळवेढा तालुक्यातील माचणूर सजेचे कोतवाल संजय राजाराम कुरवडे हे ऑक्टोबर मध्ये आलेल्या पुर पाहणी दरम्यान विनापरवाना गैरहजर राहिल्या प्रकरणी त्यांना निलंबीत करण्यात आले होते.
दरम्यान तहसिलदार स्वप्निल रावडे यांनी १९७९ मधील कलम ४ (५) क अन्वये प्रदान करण्यात आलेल्या अधिकाराचा वापर करून कुरवडे यांना पुन्हा शासन सेवेत पुनः स्थापित केले आहे.
दि.२० ऑक्टोबर २०२० रोजी सकाळी १० वाजता कै.आ.भारत भालके यांनी महापूर दौरा रहाटेवाडी येथे आयोजित केला होता.कोतवाल कुरवडे यांना तेथे हजर राहण्याच्या महसुल प्रशासनाकडून सुचना करण्यात आल्या होत्या.
मात्र कुरवडे हे विनापरवाना अनुपस्थित राहिल्याने आ.भालके यांनी गैरहजर असलेबाबत जिल्हाधिकारी यांच्याकडे भ्रमणध्वनीवरून तक्रार केली होती.
मंगळवेढा मंडल अधिकारी जाधव यांना चौकशी अहवाल सादर करण्याच्या सुचना केल्याने तसा अहवाल सादर करताच तहसिलदार स्वप्निल रावडे यांनी कोतवाल कुरवडे यांना निलंबित केले होते.
दरम्यान तहसिलदार यांनी दि.१६ फेब्रुवारी रोजी एक आदेश काढून महाराष्ट्र नागरी सेवा १९७९ मधील कलम ४ (५) क अन्वये प्रदान करण्यात आलेल्या अधिकाराचा वापर करून कुरवडे यांना शासन सेवेत पुनःस्थापित करीत असल्याचे त्या आदेशात म्हटले असून त्या आदेशावर तहसिलदार स्वप्निल रावडे यांची स्वाक्षरी आहे.
या आदेशाची प्रत माहितीसाठी जिल्हाधिकारी व प्रांत कार्यालय मंगळवेढा यांना पाठवण्यात आली आहे.
मोटरसायकल चोरल्याप्रकरणी एका विरूद्ध गुन्हा दाखल
मंगळवेढा शहरालगत असलेल्या चोखामेळा नगरमध्ये होंडा कंपनीची २५ हजार रूपये किंमतीची युनिकॉर्न मोटारसायकल चोरून नेल्याप्रकरणी दत्तात्रय बनसोडे रा.भाळवणी याच्या विरूद्ध चोरीचा गुन्हा दाखल झाला आहे.
पोलिस सुत्रानी दिलेली माहिती, यातील फिर्यादी गणेश ओमणे रा.चोखामेळानगर यांनी दि.२६ फेब्रुवारी रोजी सकाळी ९ वाजता अनामिका कापड दुकानाच्या पाठीमागे जोशी यांच्या मोकळ्या जागेत सिलव्हर रंगाची होंडाची युनिकॉर्न २५ हजार रूपये किंमतीची मोटारसायकल एम.एच .१३ ए.यु .६४६४ ही लावली होती.
वरील आरोपीने फिर्यादीच्या संमतीशिवाय मोटरसायकल वरील आरोपी याने चोरून नेल्याचे दिलेल्या फिर्यादीत म्हटले आहे. तपास पोलिस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
