टीम मंगळवेढा टाईम्स ।
राज्याचे दिवंगत माजी सहकारमंत्री प्रतापसिंह मोहिते पाटील यांचे पुत्र यांचे पुत्र डॉ.धवलसिंह मोहिते पाटील यांनी आपल्या असंख्य कार्यकर्त्यांसोबत आज काँग्रेसमध्ये प्रवेश केला.
राष्ट्रवादी काँग्रेस पार्टीचे नेते शरद पवार व अजित पवार यांचे निकटवर्तीय म्हणून ओळखले जाणारे नेते होते. त्यांच्या या प्रवेशामुळे राष्ट्रवादीला मोठा धक्का बसला आहे.
सोलापूर जिल्ह्यातील युवा नेते डॉ. धवलसिंह मोहिते पाटील यांनी आज प्रदेशाध्यक्ष ना. बाळासाहेब थोरात, माजी मुख्यमंत्री मा. सुशीलकुमार शिंदे यांच्या उपस्थितीत काँग्रेस पक्षात प्रवेश केला. यावेळी आ. धीरज देशमुख, सोलापूर जिल्हाध्यक्ष प्रकाश पाटील आदी मान्यवर उपस्थित होते. pic.twitter.com/iYgfb5IjmI
— Maharashtra Congress (@INCMaharashtra) January 28, 2021
डॉ.धवलसिंह मोहिते पाटील महाराष्ट्र राज्य कुस्तीगीर परिषदेचे उपाध्यक्ष आहेत. शिवसेना आणि राष्ट्रवादी काँग्रेस असा प्रवास केल्यानंतर धवलसिंह मोहिते पाटील यांनी आता काँग्रेसचा झेंडा हातात धरला आहे.
मुंबईत काँग्रेस भवनमध्ये पक्षाचे प्रदेशाध्यक्ष बाळासाहेब थोरात, माजी केंद्रीय मंत्री सुशीलकुमार शिंदे, आमदार धीरज देशमुख आणि इतर मान्यवरांच्या उपस्थितीत हा प्रवेश झाला आहे.
मात्र यानंतर आता जिल्ह्याच्या राजकारणात रंगत येणार आहे. पाटलांनी जनसेवा संघटनेच्या माध्यमातून महत्त्वांच्या तालुक्यामध्ये कार्यकर्त्यांची फळी उभी केली आहे. दरम्यान, धवलसिंह मोहिते पाटील यांच्या रुपाने सोलापूर जिल्ह्यात युवा चेहरा देण्याचा काँग्रेसचा प्रयत्न आहे.
प्रतापसिंह मोहिते पाटील यांना मानणारे अनेक जुने जाणते कार्यकर्तेही पुन्हा काँग्रेसमध्ये येतील, तर पाटील यांच्या पक्षप्रवेशामुळे सोलापुरात काँग्रेस बळकट होण्यास मदत होणार आहे.अशी आशाही काँग्रेसला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज