टीम मंगळवेढा टाईम्स ।
बंडगार्डन येथून उजनीकडे येणारा विसर्ग शुक्रवारी सकाळपासून स्थिर असला, तरी दौंड येथून येणारा विसर्ग दिवसभर वाढलाच होता. त्यामुळे उजनी धरणाचा उपयुक्तसाठा १५ टीएमसी झाला आहे.
चारच दिवसांत धरण २८.११ टक्के भरले आहे. मागील २४ तासांत धरणात सुमारे पाच टीएमसी पाणी जमा झाले आहे गुरुवारी रात्री ९ वाजता दौंड येथून ५७२०० क्युसेक विसर्ग चालू होता.
तो शुक्रवारी सकाळी ४३५१५ पर्यंत खाली आला होता. मात्र , दुपारपासून तो वाढत जाऊन सायंकाळी ५२ हजार क्युसेक झाला आहे.
पुणे बंडगार्डन येथून येणारा विसर्ग मात्र शुक्रवारी दिवसभर २१ हजार २७७ क्युसेक एवढा स्थिर होता.
पुणे जिल्ह्यात भीमा नदी खोऱ्यात मागील पाच – सहा दिवसांपासून पावसाने दमदार हजेरी लावल्याने मुळा मुठा , तसेच इंद्रायणी आदी नद्या दुधडी भरून वाहत आहेत.
त्यामुळे मागील आठ दिवसांपासून उजनी धरणाची पाणीपातळी सातत्याने वाढत गेल्याने आठ दिवसांत धरणाची पाणीपावली २ मीटरने वाढली आहे.
दौंड येथून उजनीत मोठ्या प्रमाणावर विसर्ग चालू असल्याने १२.७७ मायनस झालेले धरण शुक्रवारी सायंकाळी ६ वाजेपर्यंत २८.११ टक्के उलम होते तर धरणात या आठ दिवसांत २२ टीएमसी एवढे प्रचंड पाणी जमा झाले आहे.
त्यामुळे धरण २८ टक्के भरले असून धरणाचा उपयुक्त जलसाठा ही १५ टीएमसी झाला आहे . असे असले तरी रजनी धरणाची साठवण क्षमता प्रचंड आहे.
आणखी ३९ टीएमसी पाण्याची गरज
धरण १०० टक्के भरण्यासाठी धरणात ११७ टीएमसी पाण्याची गरज असते. धरणात सध्या एकूण ७८.२२ टीएमसी पाणी आहे. धरण १०० टक्के होण्यासाठी आणखी ३९ टीएमसी पाण्याची गरज आहे.
सोलापूर जिल्ह्यात दुष्काळ पडला , तरी पुण्यातील पावसामुळे धरण ओव्हर फ्लो
उजनी धरणाचे खास वैशिष्ट्य आहे की,
सोलापूर जिल्ह्यात आहे . परंतु जिल्ह्यात धरण कितीही कमी पाऊस पडला , तरी केवळ पुणे जिल्ह्यात घाटमाथावर पडणाऱ्या पावसामुळे धरण अनेक वेळा ओव्हर फ्लो झाले आहे.
जिल्ह्यात दुष्काळ पडला , तरी पुणे जिल्ह्यातील पावसामुळे धरण मात्र शंभर टक्के भरल्याच्या नोंदी आहेत.
त्यामुळेच जिल्ह्यातील ऊस व फळबाग उत्पादक शेतकरी पावसाळ्यात उजनी धरणाच्या 3 पाणीपातळीकडे डोळे लावून बसलेले असतात .(स्रोत:लोकमत)
धरणाची सद्य : स्थिती
एकूण पाणी पातळी ४९३ मीटर . एकूण पाणीसाठा ७८.७२ टीएमसी . उपयुक्त साठा १५.0६ टीएमसी .
इन्फ्लो
पुणे बंडगार्डन २१२७७ क्युसेक दौंड ५२०४८ क्युसेक
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज