टीम मंगळवेढा टाईम्स ।
पुण्यातील मंदिरात चोरी करणाऱ्या मंगळवेढ्यातील दोन जणांना पुणे पोलिसांच्या गुन्हे शाखेच्या युनिट तीनच्या पथकाने सापळा रचून अटक केली.
सोमनाथ किसन भोसले आणि ज्ञानेश्वर रावसाहेब सोनवणे असे अटक करण्यात आलेल्या आरोपींची नावे आहे. आरोपींकडून कर्वेनगर येथील दोन मंदिरातून चोरी केलेले सोन्याचे दागिने आणि दान पेटीमधील रक्कम असा एकूण 18 हजार 234 रुपयांचा मुद्देमाल जप्त केला आहे.
गुन्हे शाखा युनिट तीनच्या पथकाने वारजे माळवाडी येथील गणपती माथा बस स्टॉप येथून आरोपींना अटक केली.
सोमनाथ भोसले आणि ज्ञानेश्वर सोनवणे (रा.न्यु तहसीलदार कार्यालय, ता.मंगळवेढा जि.सोलापुर) यांना अटक करुन दोन गुन्हे उघडकीस आणले आहेत.
युनिट तीनचे पोलीस कर्मचारी वारजे – माळवाडी, उत्तमनगर पोलीस ठाण्याच्या हद्दीत पेट्रोलिंग करुन संशयीत व्यक्ती आणि खासगी वाहने तपासत होते.
त्यावेळी पथकातील अंमलदार यांना माहिती मिळाली की, गणपती माथा बस स्टॉप येथे दोनजण थांबले असून ते मंदिरात चोरी करण्याबाबत बोलत आहेत. मिळालेल्या माहितीनुसार पोलिसांनी सापळा रचून दोघांना ताब्यात घेतले.
आरोपींकडे सखोल चौकशी केली असता आरोपींनी कर्वेनगर येथील श्री मारुती भैरोनाथ ट्रस्टचे विठ्ठल रुक्मिणी मंदिर व विठेश्वर ट्रस्ट विठ्ठल रुक्मिणी मंदीरात चोरी केल्याची कबुली दिली.
आरोपींकडून बेन्टेक्स दागिने व सोन्याचे दागिने तसेच दानपेटी फोडुन चोरी केलेली रोख रक्कम असा एकूण 18 हजार 234 रुपयांचा मुद्देमाल जप्त केला.
आरोपींकडून वारजे माळवडी पोलीस ठाण्यात दाखल असलेले दोन गुन्हे उघडकी आले असून त्यांना वारजे माळवाडी पोलिसांच्या ताब्यात दिले आहे.
ही कारवाई पोलीस आयुक्त अमिताभ गुप्ता, सह पोलीस आयुक्त डॉ. रविंद्र शिसवे, अपर पोलीस आयुक्त गुन्हे रामनाथ पोकळे, पोलीस उपायुक्त गुन्हे श्रीनिवास घाडगे, सहायक पोलीस आयुक्त गुन्हे गजानन टोम्पे यांच्या मार्गदर्शनाखाली वरिष्ठ पोलीस निरीक्षक अभय महाजन,
महिला पोलीस उपनिरीक्षक तेजस्वी पवार, पोलीस अंमलदार महेश निंबाळकर, संतोष क्षिरसागर, राजेंद्र मारणे, रामदास गोणते, संजीव कळंबे, विल्सन डिसोझा, राकेश टेकावडे,
ज्ञानेश्वर चित्ते, दिपक क्षिरसागर, कल्पेश बनसोडे, प्रताप पडवाळ, सतिश कत्राळे, भाग्यश्री वाघमारे, सोनम नेवसे यांनी केली.(स्रोत:पोलीसनामा)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
