टीम मंगळवेढा टाईम्स।
सोलापूर लोकसभा मतदार संघातील ‘इंडिया आघाडी’ प्रणित काँग्रेसच्या उमेदवार आ. प्रणिती शिंदे ह्या कोट्याधीश असल्याचे त्यांनी उमेदवारी अर्जासोबत जाहीर केलेल्या प्रतिज्ञापत्रावरून स्पष्ट होते.
जवळपास पाच कोटी रुपयांच्या संपत्तीमध्ये सोने, विविध बँकांमध्ये ठेवी, विविध कंपन्यांचे शेअर्स आणि शेतीमध्ये गुंतवणूक केल्याचे दिसून येते.
आ. प्रणिती शिंदे यांनी जाहीर केलेल्या प्रतिज्ञापत्रामध्ये नमूद करण्यात आले की, विविध बँकामध्ये ६२ लाख रुपयांच्या ठेवी, विविध कंपन्याचे बॉन्ड, शेअर्समध्ये १२ लाख १३ हजार रुपये, विविध ठिकाणी ५१ लाख ९४ हजार रुपये आणि टाकळी येथील जमिनीमध्ये १४ लाख ४५ हजार रुपयांची गुंतवणूक आहे.
सातपुते आणि गायकवाड यांच्या अर्जात किरकोळ त्रुटी; मात्र निवडणूक आयोगाच्या नव्या सुचनेनुसार त्यांना त्रुटी पूर्ण करण्याची संधी
सोलापूर लोकसभा मतदारसंघाचे भाजपाचे उमेदवार राम सातपुते आणि वंचित आघाडीचे उमेदवार राहुल गायकवाड यांच्या उमेदवारी अर्जात किरकोळ त्रुटी असल्याने त्या पूर्ण करण्यासाठी निवडणूक कार्यालयाने त्यांना अधिकृत कळविले आहे.
निवडणूक आयोगाच्या सूचनेनुसार ही कार्यालयीन प्रक्रिया आहे. त्यामुळे त्यांना छाणनीपूर्वी अर्जातील त्रुटी कळविणे आवश्यक असते. त्यामुळे त्यावर अधिकृत बोलणे निवडणूक कार्यालयाने टाळले आहे.
उमेदवाराच्या अजीत असलेल्या त्रुटी त्यांना कळविणे आवश्यक असते. त्यानुसार उमेदवार अर्ज छाननीपूर्वी त्या त्रुटी पूर्ण करु शकतात. राम सातपुते यांच्या अर्जात किरकोळ म्हणजे प्रतिज्ञापत्रावर एका ठिकाणी सही राहिली होती.
तर वंचितचे उमेदवार गायकवाड यांचा प्रतिज्ञापत्राचा नुमना विहीत नव्हता. त्यांना त्या त्रुटी पूर्ण करण्याचे कळविले आहे. तर याविषयी निवडणूक अधिकाऱ्यांना विचारणा केली असता. ही कार्यालयीन बाब आहे. ती प्रक्रिया निवडणूक आयोगाच्या सूचनेनुसार सुरु आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
