टीम मंगळवेढा टाईम्स ।
लोकसभा निवडणुकीच्या प्रचारात कोणाची मानहानी होणारी, जातीय तेढ निर्माण करणारी वक्तव्ये करू नयेत, अशा सूचना निवडणूक आयोगाकडून देण्यात आल्या आहेत. तरीही काही नेतेमंडळी भावनेच्या भरात जातीधर्मावर बोलत आहेत.
याबाबत तक्रारी प्राप्त झाल्यास त्यांच्या भाषणाची व्हिडीओ आणि ऑडीओ क्लिप थेट निवडणूक आयोगाकडे पाठवून दिली जाणार आहे, असे निवडणूक निर्णय अधिकारी तथा जिल्हाधिकारी कुमार आशीर्वाद यांनी सांगितले.
काही दिवसांपूर्वी सोलापूर शहरात ‘भाजपा’च्या उमेदवारांनी एका धर्माबद्दल वक्तव्य केल्याबाबत दोन तक्रारी जिल्हा निवडणूक कार्यालयाकडे प्राप्त झाल्या आहेत.
।त्यावरुन ‘त्या’ भाषणाची ऑडीओ आणि व्हिडीओ क्लिप थेट निवडणूक आयोगाला पाठवून देण्यात येणार आहे. त्यामुळे प्रचार आणि भाषण करताना कोणत्याही जाती-धर्माच्या भावना दुखावतील अथवा कोणाचीही मानहानी होईल अशी वक्तव्य करु नयेत, असे आवाहनही त्यांनी केले.
दोनपेक्षा अधिक मतदारसंघात अर्ज; ‘त्या’ उमेदवाराविरुध्द कारवाई
एका व्यक्तीला दोनपेक्षा अधिक लोकसभा मतदारसंघातून निवडणूक लढवता येत नाही. मात्र, व्यंकटेश्वरा महास्वामी यांनी सोलापूरसह नागपूर, अमरावती आणि कर्नाटक अशा चार ठिकाणी आपला उमेदवारी अर्ज दाखल केला आहे.
त्यामुळे त्यांच्यावर कायदेशीर कारवाई होणार आहे. त्यांच्या विरोधात गुन्हा दाखल करण्याचा इशारा निवडणूक निर्णय अधिकारी कुमार आशीर्वाद यांनी दिला.(स्रोत:पुण्यनगरी)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
