मंगळवेढा टाईम्स वृत्तसेवा:-
सार्वजनिक नोंदणी कार्यालयाचे बनावट पत्र तयार करून त्यावर वरिष्ठ लिपिक म्हणून बनावट सही, गोल शिक्का मारून महाराष्ट्र शासन राज पत्रात नोटीस प्रसिद्ध करून शासनाची फसवणूक केली.
या प्रकरणी नोंदणी कार्यालयाचे अधीक्षक अरुण भगवान मुंढे (रा. सार्वजनिक नोंदणी कार्यालय, शासकीय निवासस्थान, कुमठा नाका, टीव्ही सेंटर, सोलापूर) यांनी आरोपी कृष्णात मारुती कोले (रा. मु. पो. उळे, ता. दक्षिण सोलापूर) याच्या विरोधात सदर बझार पोलिस ठाण्यात तक्रार नोंदविली आहे.
आरोपी कृष्णात कोले हे श्री सिध्देश्वर प्रसाद बहुउद्देशीय सेवा संस्था, सैफुल, सोलापूर येथे सचिव म्हणून काम करतात. त्यांनी बनावट पत्र व्यवहार करून संस्थेचा फायदा व्हावा या हेतूने नोटीस प्रसिध्द करून ८३ हजार ९५० व ३,४५० दाेन देयके फिर्यादीच्या नावाने प्रलंबित ठेवून शासनाची फसवणूक केली.या घटनेचा अधिक तपास पोलीस करत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
