मंगळवेढा तालुक्यात चोरीच्या घटनेत वाढ
मंगळवेढा टाईम्स वृत्तसेवा:-
मंगळवेढा तालुक्यातील मरवडे येथील उत्तम जाधव या शिक्षकाचे घर फोडून अज्ञात चोरट्याने ७१ हजार रूपयांचा ऐवज लंपास केल्याची घटना घडली आहे.
याबाबत अधिक अशी की , उत्तम बाजीराव जाधव (रा.मरवडे,ता.मंगळवेढा) या शिक्षकाच्या मरवडे येथील घरात २७ जून रोजी रात्रौ १०. ३० ते २८ जून रोजी पहाटे ५ दरम्यान अज्ञात चोरट्यांने घराच्या टेरेसवर प्रवेश करून घराच्या दरवाज्याची कडी काढून आत प्रवेश करून लोखंडी कपाट कशाने तरी तोडून त्यातील ६० हजार किंमंतीचे चार तोळे सोन्याचे गंठण , पाच हजार रूपये किमंतीचा मोबाईल हँडसेट , त्यातील सीम कार्ड व १००० हजार किंमतीचे टायटनचे
घड्याळ असा एकूण ७१ हजार रूपये किंमतीचा ऐवज मुद्दाम लबाडीने व फिर्यादीच्या संमतीविना चोरून नेला.
याची फिर्याद उत्तम जाधव यांनी मंगळवेढा पोलीसांत दिली असून पोलीसांनी अज्ञात चोरट्याविरूद्ध भा.दं.वि.कलम ४५७ , ३८० प्रमाणे गुन्हा दाखल केला असून अधिक तपास सहाय्यक फौजदार दत्तात्रय गोवे हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज