मंगळवेढा : समाधान फुगारे
शिवसेना – भाजप युतीच्या जागावाटपात पंढरपूर – मंगळवेढा विधानसभा मतदारसंघ रयत क्रांती संघटनेला सुटून महायुतीची उमेदवारी माजी आमदार सुधाकरपंत परिचारक यांना मिळाली आहे.सेना – भाजप युतीत पंढरपूर – मंगळवेढा विधानसभा मतदार संघ आजपर्यंत शिवसेनेच्या वाट्याला होता. पण अचानक नाट्यमय घडामोडी घडून हा मतदारसंघ रयत क्रांती संघटनेला सुटला असल्याने पंढरपूर – मंगळवेढा विधानसभा मतदारसंघातील शिवसैनिक भावनिक व आक्रमक झाले आहेत.
शिवसेना महिला आघाडीच्या जिल्हाप्रमुख शैला गोडसे यांनी निवडणूक लढवावी जाहीरपणे सांगत आहेत. गेल्या दोन वर्षांपासून शैला गोडसे यांनी पंढरपूर – मंगळवेढा विधानसभा मतदारसंघात अनेक प्रश्नांवर आवाज उठविला , आंदोलने केली यामुळे पंढरपूर – मंगळवेढा तालुक्यातील शिवसेनेचे पदाधिकारी , शिवसैनिक व तसेच सामान्य जनतेमधून शैला गोडसे यांनी विधानसभा निवडणूक लढवावी म्हणून मागणी केल्यानंतर शैला गोडसे निवडणूक लढविण्यासाठी प्रयत्न करत होत्या . आणि शिवसेना – भाजप युतीत हा मतदारसंघ शिवसेनेकडे असल्यामुळे शैला गोडसे यांचेकडे महायुतीचे उमेदवार म्हणून आजपर्यंत पाहिले जात होते.
पण शैला गोडसे यांना उमेदवारी मिळाली नसल्यामुळे शिवसैनिकांसह शैला गोडसे यांच्या कामाने प्रेरित झालेले मतदार भावनिक झाले आहेत .
गेल्या दोन वर्षांपासून शैला गोडसे पंढरपूर – मंगळवेढा विधानसभा मतदारसंघातील अनेक प्रश्नांवर आवाज उठवित आहेत . शैला गोडसे या मतदारसंघात आल्यानंतर मंगळवेढा तालुक्यासह संपूर्ण मतदारसंघातील वेगवेगळ्या प्रश्नांवर कशापद्धतीने आवाज उठवायचा व ते कशा पद्धतीने सोडवून घ्यायचे हे या मतदारसंघाचे लोकप्रतिनिधी तसेच माझ्यासह अनेकांना पहिल्यांदाच माहीत झाले व पाहायलाही मिळाले.आम्ही विधानसभा लढविण्यासाठी महायुतीची उमेदवारी मिळाली समजून प्रयत्न करत होतो. पण रयत क्रांती संघटनेला कोणत्या आधारावर सुटला हे आम्हालाही समजेनासे झाले आहे.त्यामुळे या पुढचा निर्णय आम्ही शैला गोडसे यांचेशी चर्चा करून घेऊ .- अँड. राजाराम चव्हाण,अरळी
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
