टीम मंगळवेढा टाईम्स ।
विधानसभा निवडणूक जवळ आल्यानंतर पंढरपूर मंगळवेढा विधानसभेचे आ.समाधान आवताडे व माजी आमदार प्रशांत परिचारक यांच्यामध्ये शाब्दिक युद्ध सुरू झाले आहे.
प्रशांत परिचारक यांनी विधानसभेची निवडणूक लढवावी, असा आग्रह त्यांच्या कार्यकर्त्यांकडून होऊ लागल्याने मंगळवेढा येथे जिल्हा परिषद गटात घेतलेल्या कार्यकर्त्यांच्या बैठकीत परिचारकांनी यापुढे आ.आवताडे यांना मदत करणार नाही.
ही भूमिका घेतल्याने यावर कमिटमेंट पाळली जाणार नसेल तर वेगळा विचार करावा लागेल, असे जाहीर केल्याने आ.आवताडे यांनी ही योग्य वेळ आल्यावर आमच्यात झालेली कमिटमेंट समोर आणू, असे प्रत्युत्तर दिले आहे.
पत्रकारांशी अनौपचारिकपणे बोलताना आ.आवताडे यांनी पोटनिवडणूक कशाप्रकारे झाली यावर अनेक गौप्यस्फोट केले.
पंढरपूर तालुक्यातील एकलासपूर या ठिकाणी एका खासगी दूध संस्थेच्या उद्घाटनाच्या कार्यक्रमाप्रसंगी उमेश परिचारक व स्वतः आमदार अवताडे एकत्रित बसल्यानंतर भालके हे आपल्या दोघांचे राजकीय शत्रू असून, त्यांना जर पराभूत करायचे असेल तर एकाने ताकदीने लढावे लागेल.
याबाबत चर्चा झाल्यानंतर पुणे येथे उमेश परिचारक, प्रशांत परिचारक व आमदार आवताडे यांच्यात परत बैठक झाली व यामध्ये उपमुख्यमंत्री तत्कालीन मुख्यमंत्री देवेंद्र फडणवीस यांच्याकडे याबाबत निर्णय काय घ्यायचा यावर चर्चा करण्यासाठी बैठक झाली.
या बैठकीला वसंतनाना देशमुख, चंद्रकांत पाटील देखील उपस्थित होते. यावेळी प्रशांत परिचारक यांनी या विषयावर प्रथम अवताडे यांनी बोलावे, असे सांगितले.
यावर आमदार आवताडे यांनी ही निवडणूक लढवण्यास मी इच्छुक आहे व परिचारक यांनी मला पाठिंबा द्यावा असे सांगितल्यानंतर प्रशांत परिचारक यांनी यावर होकार दर्शवला त्यानंतरच माझी उमेदवारी निश्चित झाली व निवडणूक लढवण्याचा निर्णय झाला आहे.
यापुढे जी काही कमिटमेंट झाली होती ती मी योग्य वेळ आल्यानंतर सांगणार असल्याचे पत्रकारांना आ आवताडे यांनी सांगितले.
यावेळी आमदार अवताडे यांनी बोलताना विधिमंडळ कालावधीमध्ये आलेले तालिका सभापती म्हणून आलेले अनुभव सांगताना विधिमंडळ कामकाज कशा पद्धतीने पार पाडावे लागते महत्त्वाच्या प्रश्नांना विधिमंडळामध्ये संधी मिळावी यासाठी कशा पद्धतीने नियोजन करावे लागते याबद्दलची माहिती सांगितली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
