टीम मंगळवेढा टाईम्स ।
पोलादपूर तालुक्यातील ग्रामीण भागामध्ये शेतकऱ्यांच्या पाळीव पशूंची वाहतूक आणि कत्तलीसाठी खरेदी मोठया प्रमाणात होत असून सकाळी साडेदहा वाजण्याच्या सुमारास दोन वाहनांसह सुमारे 7 बैल आणि रेडे हस्तगत करण्यात पोलादपूर पोलीस ठाण्याला यश आले आहे. यामध्ये मंगळवेढ येथील दोघांना ताब्यात घेतले आहे.
पोलादपूर महाबळेश्वर रोडवर कापडे गावाच्या हद्दीतील इश्वर ढाब्याजवळ सफेद रंगाची महिद्रा बोलेरो पिकअप (क्र.एमएच 13 डीक्यू 2736) अंदाजे किंमत 5 लाख रूपये
आणि सफेद रंगाची टाटा इंडी व्ही-03 गाडी (क्र.एमएच 13डीक्यू 2462) अंदाजे किंमत 4 लाख रूपये या दोन गाडयांमधून 5 गोवंश बैल
आणि 2 रेडे अंदाजे एकूण किंमत 60 हजार रूपये घेऊन पशूवैद्यकीय अधिकाऱ्यांचे प्रमाणपत्र न घेता,
वाहतूकीसाठी आवश्यक प्रमाणपत्र व प्रथमोपचार साहित्य तसेच गुरांना वैरण व पाणी न बाळगता कत्तल करण्याच्या हेतूने वाहतूक करीत असताना पोलादपूर पोलीसांनी ही दोन्ही वाहने हस्तगत केली.
यावेळी दोन्ही वाहनांतील समीर सुरेश भालेराव (20,सरकोली, सोलापूर), अजय सिताराम इंगाले (20, दामाजीनगर, मंगळवेढा,सोलापूर), रवींद्र भानुदास ऐवळे (24, दामाजीनगर, मंगळवेढा,सोलापूर) आणि आशिष अंकुश मोरे (26,दिविल बौध्दवाडी,ता.पोलादपूर)
या चार आरोपींना ताब्यात घेतले असता चारही जणांकडे वाहन चालविण्याचा परवाना तसेच वाहनाची कागदपत्रे बाळगली नसल्याचे आढळून आले.
याखेरिज, वाहनांतील जनावरांना दुखापत होऊ नये यासाठी खबरदारी घेतली नसल्याचे तसेच जनावरे कोणाकडून खरेदी केली
याबाबतची कागदपत्रे नसल्याचे तपासात निष्पन्न झाल्यामुळे पोलादपूर पोलीसांनी पोलीस नाईक इकबाल शेख यांच्या फिर्यादीनुसार पोलीस निरिक्षक युवराज म्हसकर यांच्या मार्गदर्शनाखाली
पोलीस उपनिरिक्षक भोसले हे अधिक तपास करीत असून आरोपींविरूध्द गुन्हा र.नं.94-2022 नुसार भादंवि 379 आणि 34 कलमान्वये तसेच महाराष्ट्र प्राणी संरक्षण अधिनियम 1964 प्रमाणे गुन्हा दाखल केला आहे.
पोलादपूर पोलीसांनी ताब्यात घेतलेल्या पाच गोवंश बैल आणि दोन रेडे या जनावरांना महाड येथे चेतनदादा उतेकर यांच्या अध्यक्षतेखाली चालणाऱ्या गोशाळेमध्ये ठेवले आहे.(स्रोत:PEN टाइम्स)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
