टीम मंगळवेढा टाईम्स ।
एसटी कर्मचाऱ्यांचा संप चिघळला आहे. मुंबई उच्च न्यायालयाने दिलेल्या आदेशानुसार राज्य सरकारने आदेश काढूनही संप सुरु ठेवल्याने न्यायालयाने संपकऱ्यांवर जोरदार कारवाई करण्यास सुरवात केली आहे.
दरम्यान, एसटी संपावरुन पहिली कारवाई करण्यात आली आहे. सोलापूर जिल्ह्यात संपकरी एसटी कामगारांवर प्रशासनाने कारवाई केली आहे.
अक्कलकोट आगारातील एक चालक आणि एका वाहकावर निलंबनाची कारवाई करण्यात आली आहे.
सोलापूर जिल्ह्यातील अक्कलकोट आगारातील दोघांचा यामध्ये समावेश आहे. दिवाळीआधी राज्यात झालेल्या एसटी कर्मचाऱ्यांच्या संपानंतर सोलापूर जिल्ह्यातूनच अनिश्चितकालीन संपाला सुरवात झाली.
अक्कलकोट आगारातील दोघांनी एसटीच्या काचा फोडल्याने त्यांच्यावर गुन्हा दाखल करण्यात आला असून त्यांच्यावर निलंबनाची कारवाई करण्यात आली आहे.
एसटी कर्मचाऱ्यांवर झालेल्या कारवाईच्या घटनेने कर्मचाऱ्यांमध्ये संताप पसरला आहे.
एसटी कर्मचाऱ्यांच्या संपाचा जोर कमी व्हावा, यासाठी प्रशासनाकडून कर्मचाऱ्यांचे निलंबनाचे पाऊल उचलण्यात येत आहे.
दरम्यान, न्यायालयाच्या आदेशांचा अवमान करून संप सुरूच ठेवणाऱ्या संघटना आणि कर्मचाऱ्यांविरोधात एसटी महामंडळाला अवमान याचिका दाखल करण्याची सूचनाही न्यायालयाने केली.
एसटी कर्मचाऱ्यांना राज्य शासनात विलीनीकरण करावे आणि शासकीय कर्मचाऱ्यांप्रमाणे वेतन द्यावे या मागण्यांसाठी गेल्या दोन आठवड्यांपासून सुरू असलेल्या एसटी कर्मचाऱ्यांच्या संपावर मंगळवारीही निर्णय झाला नाही.(स्रोत:सकाळ)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज