टीम मंगळवेढा टाईम्स ।
खासगी सावकाराकडून ३० टक्के व्याजाने घेतलेल्या १५ हजार रुपयांसह व्याजाच्या पैशासाठी वारंवार लावलेल्या तगादास कंटाळून
मानसिक तणावाखाली २५ वर्षीय तरुणाने रेल्वे खाली उडी घेऊन आत्महत्या केली. ही दुर्दैवी घटना सोमवार, १ जुलै रोजी सकाळी १० वाजता सांगोला -मिरज रेल्वे लाइनवर घडली.
अनिरुद्ध ऊर्फ सोनू शिवाजी डांगे (वय २५, रा. सांगोला) असे मृत तरुणाचे नाव आहे. याबाबत मयताचा भाऊ प्रफुल डांगे यांनी फिर्यादी आहे.
रोहित देठे (रा. सांगोला) याच्यासह दोन अनोळखी इसमांविरुध्द गुन्हा दाखल केला. अनिरुद्ध डांगे याने मागील चार महिन्यांपूर्वी खासगी सावकाराकडून ३० टक्के व्याजाने घेतलेल्या १५ हजार रुपयांपोटी दर आठवड्याला त्यास ४ हजार रुपये व्याज देत होता.
मागील १५ दिवसांपूर्वी अनिरुद्ध याने भाऊ प्रफुल यास घरी भेटून सावकाराने व्याजाच्या पैशासाठी तगादा लावला आहे. त्याने माझी दुचाकी व मोबाईल बळजबरीने घेऊन गेल्याचे त्याने रडत रडत सांगून आत्महत्या करण्याशिवाय पर्याय नसल्याचे त्यांनी सांगितले होते.
दि. ३० जून रोजी रात्री १० वाजता दोन अनोळखी इसमांनी त्याच्या घरी येऊन अनिरुद्ध त्याची पत्नीसमोर मुद्दल व व्याज आत्ताच्या आत्ता द्या म्हणून पैशाची मागणी केली.
त्रासाला कंटाळून सोमवारी सकाळी ११ च्या सुमारास मिरजकडून येणाऱ्या रेल्वे खाली उडी घेऊन आत्महत्या केल्याचे फिर्यादीत म्हटले आहे. तपास सहायक पोलिस निरीक्षक सचिन जगताप करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
