टीम मंगळवेढा टाईम्स ।
जवळपास एक कोटी रुपये किंमतीचे सिगारेटचे बॉक्स टेम्पोत सोलापूरवरून पुण्याकडे घेऊन जात असतना टेभुर्णीजवळ सोलापूर-पुणे महाराष्ट्रीय महामार्गावर सहा ते सात जणांच्या
अज्ञात टोळक्याने ड्रायव्हर व त्याच्या जोडीदारास लोखंडी सळई हाता मुक्याने मारहाण करून 250 बॉक्स लुटून नेल्याची घटना मंगळवारी सायंकाळी साडेसात ते आठच्या सुमारास टेंभुर्णीजवळ घडली. याप्रकरणी अज्ञातांवर गुन्हा दाखल करण्यात आला आहे.
याबाबत अधिक माहिती अशी की, टेम्पो चालक मोहम्मद इम्तियाज मोहम्मद मुमताज (वय 38, रा. बंजाराहिल्स, रोड नंबर 10, गुरूब्रम्हानगर, हैद्राबाद, तेलंगणा) हा 21 रोजी आयशर टेम्पो क्रमांक AP-22-TA-2972 मध्ये मोहम्मद इस्माईल
या जोडीदारासह चारमिनार कंपनीचे चार मिनार सिगारेट कंपनीचे 99 लाख 37 हजार 175.5 किंमतीचे सिगारेटचे 250 बॉक्स घेऊन पुणेकडे जात असताना दि. 21 रोजी रात्री साडे सात ते आठच्या सुमारास
टेभुर्णी ता. माढा जि. सोलापूर, येथील अहमदनगरकडे जाणारा ब्रीज क्रॉस करून पुढे गेल्यानंतर सोलापूर-पुणे राष्ट्रीय महामार्गावर
साधारण 2 ते 3 किमी अंतरावर अनोळखी 6 ते 7 अज्ञात चोरट्यांनी टेम्पोमधील चालक व त्याच्या जोडीदार शिवीगाळ करीत दमदाटी देत व लोखंडी सळईने मारहाण करून जखमी केले.
तसेच टेम्पोमधील जवळपास एक कोटी रुपयाची चारमिनार कंपनीची सिगारेटचे 250 बॉक्स टेम्पोमधून काढून नेल्याची फिर्याद दिली असून.
याप्रकरणी 7 अज्ञात संशयीयाविरूद्ध कलम 395 नुसार गुन्हा दाखल करण्यात आला असून, पुढील तपास पोलीस निरिक्षक सुरेश निंबाळकर हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज