टीम मंगळवेढा टाईम्स ।
मंगळवेढा शहरात सुवर्णा हजारे व मंदाकीनी सावंजी यांच्या घरात दरोडा टाकल्याप्रकरणी दरोडेखोरांची आंतरराज्यीय टोळी जेरबंद करण्यात मंगळवेढा पोलीसांना यश आले आहे.
याबाबत पोलीस सूत्रांकडून मिळालेली अधिक माहिती अशी की, दि.०७/०८/२०२१ व दि.२४/१२/२०२१ रोजी मंगळवेढा परिसरात दोन दरोडे झाले होते. यातील पहिल्या घटनेमध्ये दामाजीनगर मधील सुवर्णा हजारे यांच्या बंगल्याचा दरवाजा तोडुन दरोडे खोरांनी प्रवेश करून त्यांना व त्यांच्या पतीला लोखंडी गजाने मारहाण करून , हात फॅक्चर करून १.५ तोळे वजनाचे सोने लुटुन नेले होते.
तसेच यातील दुसऱ्या घटनेमधील चेतन्यनगर नागणेवाडी येथील मंदाकीनी सावंजी यांच्या बंगल्याच्या दरवाजाची कडी तोडुन आत प्रवेश करून नव वधु दामपत्याला ठार मारण्याची भिती घालुन त्यांच्याकडुन एकुण ११ तोळे ३ ग्रॅम सोने लुटुल नेले होते.
मंगळवेढा शहरातील या पडलेल्या सलग दोन दरोडयामुळे मंगळवेढा शहरात भितीचे व असुरक्षतेची भावणा निर्माण झालेली होती. तसेच दोन्ही दरोडे उघडकीस आणने पोलीसांपुढे आव्हाण निर्माण झाले होते.
पोलीसांनी सदर प्रकरणात सखोल तपास करून तांत्रीक पुराव्याचा आधार घेवुन १) रवि उर्फ विकी बाळुराव भोसले वय ३० वर्षे उर्फ रा.अलिपुरतांडा पोस्ट मुतंगी ता.चिडगुप्पा जि.बिदर राज्य कर्नाटक २) नजिर झुंबर पवार उर्फ पारधी वय ४० वर्षे रा.बसलापुर ता . चिडगुप्पा जि.बिदर कर्नाटक ( पुर्वी सांगीतलेले नाव : – नजिर उर्फ समाधान नामदेव पवार वय ४० वर्षे रा . बसलापुर ता . हुमनाबाद जि . बिदर राज्य कर्नाटक
३) दिनकर नारायन भोसले वय १ ९ वर्षे रा.धर्मगाव ता.मंगळवेढा यांना अटक केली आहे.
तसेच गुन्हा दाखल झाल्यापासून फरारी असलेला निष्पन्न आरोपी नामे दिपक उर्फ बायबूल उर्फ बबलू सावंत उर्फ झुंबरू पवार रा.हनुमान टेकडी , क्रांतीनगर, लोणावळा जि. पुणे यास गोपनीय बातमीदारा मार्फत व तांत्रीक पुराव्याच्या आधारे त्यास
दि.३१ जानेवारी २०२२ रोजी लोणावळा येथुन अटक करून त्याची अटकपूर्व वैदयकीय तपासणी करून त्यास प्रथम वर्ग न्यायदंडाधिकारी कोर्ट मंगळवेढा यांचे समक्ष हजर करून त्याची ७ दिवसाची पोलीस कस्टडी रिमांड घेवून त्याच्याकडुन ५,००,००० / – रूपये किमतीचे १० तोळे सोने त्याने निवेदन पंचनाम्या प्रमाणे काढुन दिले आहे.
यातील आरोपीतांनी यापूर्वी महाराष्ट्र, गुजरात, आंध्रप्रदेश, कर्नाटक येथे अशाप्रकारे गुन्हे केल्याचे माहिती आहे.
तसेच यातील आणखीन दोन निष्पन्न आरोपींचा शोध घेवून त्यांना अटक करून आणखीन गुन्हे उघडकीस आणण्याची तजविज ठेवली आहे.
सदरची कामगीरी पोलीस अधिक्षक तेजस्वी सातपुते, अप्पर पोलीस अधिक्षक हिमत जाधव, उपविभागीय पोलीस अधिकारी राजश्री पाटील,
तसेच पोलीस निरीक्षक सर्जेराव पाटील स्थानिक गुन्हे शाखा सोलापुर ग्रामीण यांचे मार्गदर्शलाखाली पोलीस निरीक्षक रणजीत माने, सपोनि बापु पिंगळे, सपाफौ अविनाश पाटील, पोलीस नाईक दयानंद हेंबाडे, पोना विठ्ठल विभुते, पोना सचिन बनकर, पोकॉ सुरज देशमुख,
पोकॉ सोमनाथ माने, तसेच उपविभागीय पोलीस अधिकारी कार्यालय , मंगळवेढा कडील सपोफी दत्तात्रय तोंडले, पोना / सुनिल कोरे, तसेच सायबर पोलीस ठाणे सोलापुर ग्रामीण कडील पोकॉ अन्दर आत्तार व तसेच स्थानिक गुन्हे शाखेकडील सपोफौ / खाजा मुजावर, पोहेकॉ / नारायन गोलेकर यांनी कारवाई केली आहे. याचा पुढील तपास पोलिस निरीक्षक रणजित माने हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज