टीम मंगळवेढा टाईम्स ।
मंगळवेढा तालुक्यातील बोराळे येथे एका डॉक्टरने घरासमोर लावलेली ३० हजार रुपये किमतीची मोटारसायकल चोरट्याने हातोहात पळवून नेल्याप्रकरणी अज्ञात चोरट्याविरुद्ध गुन्हा दाखल झाला आहे.
मागील दोन दिवसापूर्वीच एक मोटारसायकल चोरीचा प्रकार घडला होता. ती मोटारसायकल मिळण्यापूर्वीच दुसरी मोटारसायकल चोरट्याने पळवून नेल्याने मोटारसायकलस्वारामध्ये धास्ती बसली आहे.
यातील फिर्यादी प्रकाश स्वामी हे व्यवसायाने डॉक्टर असून त्यांनी दि.७ रोजी संध्याकाळी होंडा शाईन कंपनीची ३० हजार रुपये किमतीची मोटारसायकल रात्री घरासमोर लावली होती.
पाऊस येत असल्याने गडबडीत हँडल लॉक करणे राहून गेले होते. सकाळी उठल्यानंतर फिर्यादीने पाहिले असता मोटारसायकल जागेवर दिसून आली नाही. सर्वत्र शोध घेतला मात्र ती मिळून आली नाही.
चोरट्याने चोरून नेल्याची खात्री पटल्यानंतर पोलिसांत तक्रार दाखल केली आहे.
२ ऑक्टोबरला केवळ २ ग्रामपंचायतींनी घेतली ग्रामसभा
ग्रामपंचायतीच्या माध्यमातून गावासाठी राबविण्यात येणाऱ्या विविध योजना , निधी , यासह शासकीय लाभाच्या योजनांच्या सहभागासाठी नागरिकांच्या हक्काचे व्यासपीठ असणाऱ्या ग्रामसभा कोरोणामुळे गेल्या दीड वर्षापासून होऊ शकला नाहीत.
सध्या ग्रामसभा घेण्यास शासनाने परवानगी दिली असली तरी मंगळवेढा तालुक्यातील ७ ९ ग्रामपंचायतीपैकी केवळ २ ग्रामपंचायतीने ग्रामसभा घेतल्या असताना ७७ ग्रामपंचायतीने प्रशासनाच्या आदेशाला ठेंगा दाखविल्याचे समोर येत आहे .
महाराष्ट्रात दि .१५ ऑगस्ट , २ ऑक्टोबर , २६ जानेवारी , १ मे महाराष्ट्र दिन या राष्ट्रीय सणाच्या दिवशी प्रत्येक गावपातळी व ग्रामपंचायतीमधून ग्रामसभा घेण्याबाबत शासनाचे आदेश आहेत .
तालुक्यात केवळ धर्मगाव व ढवळस या दोन ग्रामपंचायतीने ग्रामसभा घेतल्याचे पंचायत समितीकडे नोंद झाली आहे . या ग्रामसभेत प्रामुख्याने घरकुल , अन्न सुरक्षा योजना , पालक अधिकारी , शासकीय योजनांचे लाभार्थी निवडणे आदीबाबत ग्रामस्थांच्या उपस्थितीत चर्चा होऊन निर्णय घेतला जातो .
ग्रामसभाच न झाल्याने या सर्व योजना सध्या तरी लटकत्याच राहिल्या असल्याच्या प्रतिक्रिया ग्रामस्थांमधून व्यक्त होत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज