टीम मंगळवेढा टाईम्स ।
मंगळवेढ्याच्या ग्रामीण भागात एका ३२ वर्षीय विवाहित महिलेचा पाठलाग करुन, धमकी देवून सदर पिडीतीचे इच्छेविरुध्द गेली पाच वर्षे शारिरीक संबंध केल्याप्रकरणी सचिन शंकर भोरकडे याच्याविरुध्द गुन्हा दाखल झाला आहे.
पोलीस सुत्रांनी दिलेली माहिती अशी, यातील पिडीत महिलेच्या घराशेजारी आरोपी सचिन भोरकडे हा रहावयास असून पिडीत महिला घरी एकटी असताना थेट बेडरुम मध्ये येवून शारिरीक संबंधाची मागणी करु लागला.
यावेळी पिडीतीने तु माझ्या भावासारखा आहे असे म्हणून त्याला नकार दिल्यानंतरही जबरदस्तीने पिडीतेशी शारिरीक संबंध केले. सदरचा प्रकार घरच्यांना समजल्यानंतर संसार मोडेल या भितीने हा प्रकार कोणालाही सांगितला नाही.
त्यानंतरही घरात पिडीतेशिवाय दुसरे कोणी नाही हे पाहून तो घरी येवून जबरदस्तीने वारंवार शारिरीक संबंध करत असे. हा प्रकार पिडीतेच्या सहनशक्तीच्या पलिकडे गेल्यानंतर ती त्याला प्रतिकार करु लागली.
तेव्हां तो पिडीतेला मारहाण करुन शारिरीक संबंध करत असे. नकार दिल्यास मारुन टाकण्याची धमकी तसेच पतीला सांगण्याची धमकी देत असे म्हणून पिडीतेने आज पर्यंत हा प्रकार कोणालाही सांगितला नाही.
दि.१८/०९/२०२३ रोजी गणपती बसावयाच्या आदल्या दिवशी आरोपीच्या भीतीपोटी पिडीता घराला कडी लावून बाहेर गेली, त्यावेळी आरोपी शोधत शोधत पिडीतेकडे गेला व तिथेही तो जबरदस्ती करु लागला.
त्यावेळी त्याला पिडीतेने साफ नकार दिला असता तु आता अशी का वागतेस, मला सारखे नकार का देते ? असा म्हणाला. ग्रामदैवत यात्रेच्यावेळी पिडीता ही ड्यूटीवर असल्याने आरोपी पाठीमागे पाठलाग करत आला.
घरी सासू, सासरे, पती असतानाही वारंवार फोन करुन तो पिडीतेला वेगवेगळ्या ठिकाणी बोलवत असे, म्हणून पिडीतेने फोन नंबर बदलला. दि.२१ डिसेंबर २०२३ रोजी सायंकाळी ५ वाजता पिडीता ड्यूटीवरुन घरी पायी चालत येत असताना पाठीमागे येवून त्याने पिडीतेचा मोबाईल घेवून गेला.
त्यानंतर संध्याकाळी पतीने आरोपीकडे मोबाईल तुझा कसा काय गेला? अशी विचारणा केली. त्यावेळी पिडीतेने सर्व घडलेली हकीकत पतीला कथन केली असल्याचे दिलेल्या फिर्यादीत म्हटले आहे.
दरम्यान डी. वाय.एस.पी. विक्रांत गायकवाड, पोलीस निरीक्षक रणजीत माने यांनी घटनास्थळाला भेट देवून रातोरात शोधून आरोपीला तात्काळ ताब्यात घेण्यात आले आहे. याचा अधिक तपास पोलीस उपनिरीक्षक शेटे हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
