मंगळवेढा टाईम्स वृत्तसेवा:-
लष्कर परीसरातील एका सराफी दुकानामध्ये ग्राहक बनुन गेलेल्या उच्चभ्रु राहणीमान असणाऱ्या तरुणीने सोन्याच्या दोन अंगठया चोरल्या होत्या. गुन्हे शाखेच्या युनीट दोनच्या पथकाने अटक केली.
स्नेहलता वसंत पाटील (वय 25, रा.कोथरुड) असे अटक केलेल्या संशयित आरोपीचे नाव आहे. पोलिसांनी दिलेल्या माहितीनुसार, लष्कर परीसरातील सेंट्रल स्ट्रीट येथील खरी पेढी ज्वेलर्स येथे 20 जानेवारी रोजी एक उच्चभ्रू राहणीमान असलेली अनोळखी तरुणी खरेदीच्या बहाण्याने दुकानामध्ये आली. तिने हातचालाखीने 10 ग्राम वजनाच्या 50 हजार रूपये किमतीच्या दोन सोन्याच्या अंगठ्या चोरून नेल्या होत्या.
या घटनेबाबत लष्कर पोलिस ठान्यात गुन्हा दाखल झाल्यानंतर गुन्हे शाखेच्या युनीट दोनच्या पथकाकडून समांतर तपास करण्यात आला.
या प्रकरणाचा तपास पोलिस निरीक्षक महेंद्र जगताप यांच्या मार्गदर्शनाखाली पोलिस उपनिरीक्षक नितीन शिंदे, सहायक पोलिस निरीक्षक यशवंत आंब्रे, पोलिस कर्मचारी मोहसीन शेख, अतुल गायकवाड,गोपाळ मदने यांच्या पथकाने केली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
