टीम मंगळवेढा टाईम्स (विशेष प्रतिनिधी):
विधानसभा अध्यक्ष ॲड. राहुल नार्वेकर यांनी मंगळवेढा दौऱ्यादरम्यान आमदार समाधान अवताडे यांच्या कार्यपद्धतीचे आणि विकासकामांचे केलेले कौतुक सध्या पंढरपूर-मंगळवेढा मतदारसंघात राजकीय चर्चेचा केंद्रबिंदू ठरले आहे. “एकदा खुर्ची घेतली की ते सोडत नाहीत, आम्हीही त्यांना खुर्ची सोडू देणार नाही,”
या नार्वेकरांच्या विधानामुळे अवताडे समर्थकांना मोठा राजकीय ‘बूस्टर डोस’ मिळाला असून, आगामी निवडणुकीच्या पार्श्वभूमीवर त्यांची राजकीय वाटचाल अधिक मजबूत झाल्याचे चित्र आहे.
आगामी समीकरणांची चर्चा आणि संभाव्य पर्याय
मात्र, राजकारणात समीकरणे कधीही स्थिर राहत नाहीत. मतदारसंघात इतर संभाव्य राजकीय पर्यायांचीही जोरदार चर्चा सुरू आहे:
प्रशांत परिचारक: भाजपमधील माजी आमदार प्रशांत परिचारक यांची आगामी भूमिका काय असेल, याकडे राजकीय विश्लेषकांचे लक्ष लागले आहे.
अनिल सावंत: अनिल सावंत यांच्या नावाचीही राजकीय वर्तुळात मोठी चर्चा आहे. मागील विधानसभा निवडणूक मोठ्या ताकदीने त्यांनी लढवली होती.
महाविकास आघाडी: महाविकास आघाडीकडून आगामी काळात कोणता नवा चेहरा समोर येतो, यावरही पुढील राजकीय गणिते अवलंबून असणार आहेत.
सिध्देश्वर रणे : उद्योजक रणे यांनी देखील जिल्हा परिषद निवडणूक काळात संपूर्ण मंगळवेढा तालुका पिंजून काढला होता. प्रत्येक गावात कार्यकर्ते तयार करण्यास सुरुवात केली असून मोठे व्हिजन घेऊन जनतेसमोर जाणार असल्याची चर्चा सुरू आहे.
२०२९ ची लढत कशावर ठरणार?
गावागावातील कार्यकर्त्यांची बांधणी, स्थानिक स्वराज्य संस्थांमधील बदलती समीकरणे आणि मतदारांशी असलेला थेट संपर्क यावर प्रत्येक इच्छुकाचे राजकीय वजन ठरणार आहे.
विकासकामांची पूर्तता, प्रलंबित प्रश्नांची सोडवणूक आणि जनतेशी असलेला संपर्क या सर्व कसोट्यांवरच आगामी काळात राजकीय नेतृत्वाची खरी परीक्षा होणार आहे.
सध्या तरी ॲड. राहुल नार्वेकर यांच्या वक्तव्याने आमदार समाधान अवताडे यांच्या खुर्चीला मजबूत आधार मिळाल्याचे स्पष्ट दिसत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
