टीम मंगळवेढा टाईम्स | पंढरपूर विशेष प्रतिनिधी
पंढरपूर-मंगळवेढा विधानसभा मतदारसंघातील राजकीय वातावरण चांगलेच तापले आहे. आज रविवारी १२ एप्रिल रोजी महाराष्ट्राचे उपमुख्यमंत्री एकनाथ शिंदे यांच्या उपस्थितीत पंढरपुरात दोन मोठे नेते ‘धनुष्यबाण’ हाती घेणार असून, या निर्णयामुळे विरोधकांच्या गोटात मोठी खळबळ उडाली आहे.
अनिल सावंतांची ‘घरवापसी’!
भैरवनाथ शुगरचे चेअरमन अनिल सावंत हे पुन्हा एकदा आपल्या मूळ शिवसेनेत म्हणजेच ‘स्वगृही’ परतत आहेत. विधानसभा निवडणुकीपूर्वी त्यांनी राष्ट्रवादी काँग्रेसमध्ये (शरद पवार गट) प्रवेश केला होता,
मात्र आता बदललेली राजकीय समीकरणे पाहता त्यांनी पुन्हा एकदा भगवा झेंडा हाती घेण्याचा निर्णय घेतला आहे. सावंतांच्या या निर्णयामुळे पंढरपूर शहरातील राजकीय समीकरणे पूर्णपणे बदलण्याची शक्यता आहे.
भगीरथ भालके ‘वारसा’ जपणार की नवा डाव?
दुसरीकडे, मतदारसंघातील दिग्गज नेते दिवंगत भारत भालके यांचे सुपुत्र भगीरथ भालके हे देखील उपमुख्यमंत्री एकनाथ शिंदेंच्या उपस्थितीत शिवसेनेत प्रवेश करत आहेत. भालके यांनी यापूर्वी बीआरएस, काँग्रेस आणि त्यानंतर महाविकास आघाडीसोबत काम केले होते.
मात्र, आता त्यांनी घेतलेला हा निर्णय ‘वारसा’ हक्काने मूळ शिवसेनेत जाण्याचा असल्याचे बोलले जात आहे. भालके गटाची ही नवी वाटचाल पंढरपूर-मंगळवेढ्याच्या राजकारणात किती प्रभावी ठरते, याकडे सर्वांचे लक्ष लागले आहे.
उपमुख्यमंत्री एकनाथ शिंदे यांच्या या दौऱ्यामुळे सोलापूर जिल्ह्यातील शिवसेनेची ताकद वाढणार असून, ‘पवार’ आणि ‘काँग्रेस’ गटाला खिंडार पडल्याची चर्चा आता रंगली आहे.
”एक ‘स्वगृही’ तर दुसरा ‘नाथांच्या’ घरी…” अशी खमंग चर्चा सध्या मंगळवेढा-पंढरपूरच्या गल्लीबोळात सुरू आहे. या पक्षप्रवेशामुळे मतदारसंघातील भविष्यातील गुंता अधिक वाढणार की सुटणार, हे येणारा काळच ठरवेल!
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
