मंगळवेढा टाईम्स न्युज।
मंगळवेढा तालुक्यातील राजकारणाचे केंद्रबिंदू असलेल्या मंगळवेढा पंचायत समितीच्या सभापती आणि उपसभापती निवडीचा बिगुल वाजला आहे. गुरुवार दि.१२ मार्च २०२६ रोजी ही निवड प्रक्रिया पार पडणार असून, या निवडीकडे संपूर्ण तालुक्याचे लक्ष लागून राहिले आहे.
आमदार समाधान आवताडे यांच्या नेतृत्वाखाली भाजपने सहा जागा जिंकून बहुमत मिळवल्याने सत्तास्थापनेचा मार्ग मोकळा झाला आहे.
निवडणुकीसाठी प्रशासकीय तयारी पूर्ण
जिल्हाधिकारी कुमार आशीर्वाद यांनी या निवडीचे अधिकृत आदेश काढले आहेत. या महत्त्वपूर्ण प्रक्रियेसाठी निवडणूक निर्णय अधिकारी म्हणून उपजिल्हाधिकारी संतोषकुमार देशमुख यांची नियुक्ती करण्यात आली आहे.
१२ मार्च रोजी प्रत्यक्ष निवड होणार असली, तरी त्यापूर्वीच्या राजकीय हालचालींना वेग आला आहे.
सभापतीपदी ‘या’ नावावर शिक्कामोर्तब?
आमदार समाधान आवताडे यांच्या गटाचे स्पष्ट बहुमत असल्याने भाजपचा सभापती होणे निश्चित मानले जात आहे. मिळालेल्या प्राथमिक माहितीनुसार, सभापती पदासाठी दीपाली आनंद ताड यांच्या नावावर शिक्कामोर्तब झाल्याचे बोलले जात आहे.
पक्षश्रेष्ठींनी त्यांच्या नावावर हिरवा कंदिल दिल्याची चर्चा राजकीय वर्तुळात रंगली असून, केवळ अधिकृत घोषणेची औपचारिकता बाकी आहे.
उपसभापती पदाचा ‘सस्पेन्स’ कायम
सभापती पदाचे चित्र स्पष्ट होत असताना, उपसभापती कोणाला मिळणार? यावर मात्र अद्यापही सस्पेन्स कायम आहे. आमदार समाधान आवताडे शेवटच्या क्षणी कोणाच्या नावाचा पत्ता खोलतात, हे पाहणे औत्सुक्याचे ठरेल.
अनेक इच्छुकांनी या पदासाठी मोर्चेबांधणी सुरू केली असून, गटातील अंतर्गत समीकरणे जुळवण्याचे मोठे आव्हान नेतृत्वासमोर असेल.
मंगळवेढ्याच्या ग्रामीण विकासाची सूत्रे आता कोणाच्या हातात जाणार, याचा फैसला येत्या 12 मार्च रोजी होणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
