मोठी बातमी! तुळजाभवानी मंदिर संस्थानकडून नवीन दर्शन आराखडा तयार; ‘या’ भाविकांना मिळणार आता थेट निःशुल्क दर्शन

मंगळवेढा टाईम्स न्युज नेटवर्क ।

तुळजाभवानी मंदिर संस्थानच्या नवीन व्हीआयपी दर्शन आराखड्यानुसार स्तनदा माता, दिव्यांग तसेच आधार घेऊन चालणारे वृद्ध यांना आता थेट निःशुल्क दर्शन मिळणार आहे.

तसेच मंदिर संस्थानला दहा हजार किंवा त्याहून अधिक देणगी, वस्तु देणाऱ्या कुटुंबाला सुद्धा थेट मोफत दर्शनाचा लाभ मिळणार आहे. तर मंदिर विश्वस्त किंवा व्यवस्थापक यांच्या शिफारशीने येणाऱ्या भाविकांना व्हीआयपी दर्शनासाठी दोनशे रुपयांचा पास घ्यावा लागणार आहे.

मंदिर संस्थानकडून नवीन दर्शन आराखडा प्रस्तावित करण्यात आला असून त्याबाबत भाविकातून सूचना आणि अभिप्राय मागवले आहेत.

दरम्यान, श्री तुळजाभवानी मंदिर संस्थान तर्फे भाविक भक्तांच्या सोयीसाठी व व्यवस्थापन अधिक परिणामकारक करण्याच्या दृष्टिकोनातून, महत्वाच्या व अति व्यक्तींसाठी दर्शन सुविधा प्रस्तावित करण्यात येत असल्याची माहिती मंदिर प्रशासनाने दिली आहे.

यामध्ये सर्व महंत, पुजारी आणि भाविक भक्तांना यासंदर्भात काही सूचना अथवा अभिप्राय असल्यास ते दिनांक 19 मे 2025 ते 26 मे 2025 दरम्यान संस्थानच्या अधिकृत ई-मेल वर पाठवावेत. असे आवाहन करण्यात आले आहे.

त्या करिता Email id – shreetuljabhavanitemple@gmail.com ही संस्थानची अधिकृत ई-मेल आयडी देण्यात आली आहे.

10,000 किंवा त्याहून अधिक देणगी देणाऱ्यांना कुटुंबासह नि:शुल्क दर्शन

1) राष्ट्रपती, उपराष्ट्रपती, पंतप्रधान, उपपंतप्रधान, राज्यपाल, न्यायालयीन न्यायाधीश, मंत्री, संसद/विधीमंडळाचे आजी-माजी सदस्य, राज्य मंत्री दर्जा असलेल्या व्यक्ती, सर्व महामंडळाचे अध्यक्ष/उपाध्यक्ष, संविधानिक आयोगाचे अध्यक्ष, भारतीय सैन्यदलातील अधिकारी व सैनिक आदी अति व्यक्तींना कुटुंबासह नि:शुल्क दर्शन.

2) रु. 10,000 किंवा त्याहून अधिक रक्कम अथवा वस्तू अर्पण करणाऱ्या भाविकांना कुटुंबासह नि:शुल्क दर्शन.

3) मंदिरातील प्रथा परंपरेनुसार मंदिरात येणाऱ्या अध्यात्मिक/धार्मिक/मानकरी व मंदिर कामकाजाशी संबंधित व्यक्तींना नि:शुल्क दर्शन.

4) राज्य/राष्ट्रीय/आंतरराष्ट्रीय स्तरावरील कला, क्रीडा, विज्ञान, साहित्य, धार्मिक व सांस्कृतिक क्षेत्रातील पुरस्कारप्राप्त व्यक्ती, महाराष्ट्र व इतर राज्यातील मंदिर देवस्थान समितीचे विश्वस्त यांना नि:शुल्क दर्शन.

5) दिव्यांग (अस्थीव्यंग व अंध), स्तनदामाता व मदतनीसाशिवाय चालू न शकणाऱ्या वयस्कर व्यक्तींना नि:शुल्क दर्शन.

6) केंद्र व राज्य शासनाच्या सेवेतील वर्ग 1 चे सर्व प्रशासकीय अधिकारी कुटुंबासह आल्यास 4 व्यक्तींपर्यंत नि:शुल्क दर्शन, त्यानंतर प्रत्येक व्यक्तीसाठी रु. 200 देणगी शुल्क. (कुटुंब- स्वतः, पती-पत्नी, मुले, आई व वडील)

7) उपरोक्त अ.क्र 1,4 व 6 मध्ये नमुद नसलेल्या अति व्यक्ती/संस्थांचे प्रमुख कुटुंबासह आल्यास 4 व्यक्तींपर्यंत नि:शुल्क दर्शन, त्यानंतर प्रत्येक व्यक्तीसाठी रु. 200 देणगी शुल्क. (कुटुंब- स्वतः पती-पत्नी, मुले, आई व वडील)

८) श्री तुळजाभवानी मंदिर संस्थान विश्वस्त सदस्य, मंदिर व्यवस्थापक यांच्या शिफारशीने आलेल्या व्यक्तींना रु. 200 देणगी शुल्क.

९) महाराष्ट्र राज्य व इतर राज्यातील मंत्री कार्यालय/संसद/विधिमंडळ सदस्य व संविधानिक महामंडळ/आयोग यांच्या लेखी शिफारशीने आलेल्यांना रु. 200 देणगी शुल्क.

या प्रस्तावित योजना मंदिर व्यवस्थापनाच्या सुव्यवस्थेसाठी असून, भाविक भक्तांचे सहकार्य अपेक्षित आहे. असे देखील मंदिर प्रशासनाकडून सांगण्यात आले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज