मंगळवेढा टाईम्स न्युज नेटवर्क।
मला जॉब नाही, त्यामुळे काहीतरी उद्योगधंदा उभारून द्या, असे म्हणून एका हायस्कूलला मुख्याध्यापक असलेल्या वडिलांना शिवीगाळ करून मारहाण केल्याने व
मुलाच्या वारंवारच्या होणाऱ्या त्रासाला कंटाळून लऊळ, ता. माढा येथील कुईवाडी पंढरपूर रेल्वे लाइनवर जाऊन रेल्वेपुढे वडिलांनी आत्महत्या केल्याची घटना घडली असून संबंधित मुलावर गुन्हा दाखल करण्यात आला आहे.
या घटनेत बाळासाहेब पितांबर पाटील (रा. सापटणे भोसे, ता. माढा, वय ५६) हे मयत झाले असून याबाबत निखिल पाटील (वय ३०, रा. सापटणे (भो) ता. माढा) याने दिलेल्या फिर्यादीवरून मुलगा सौरभ बाळासाहेब पाटील (वय २४, रा. सापटणे (भो) ता. माढा) याच्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, सोमवारी दुपारी साडेतीन वाजण्याच्या सुमारास सापटणे भोसे येथे राहत्या घरी फिर्यादीचा भाऊ सौरभ पाटील याने मला काही जॉब नाही,
मला उद्योगधंदा करून द्या म्हणून वडिलांना शिवीगाळ करून भांडण करत मारहाणही केली. त्याच्या नेहमीच्या शिवीगाळ, मारहाणीच्या त्रासाला कंटाळून फिर्यादीच्या वडिलांनी लऊळ शिवारात ढोरे वस्तीजवळील रेल्वेला समोर गेले.
यामुळे ते गंभीर जखमी होऊन त्यांचा मृत्यू झाला. त्यामुळे त्यांना आत्महत्या करण्यास सौरभ याने प्रवृत्त केले असल्याचे फिर्यादीत म्हटले आहे. त्यामुळे आरोपीवर बी. एन. एस कलम १०८ प्रमाणे गुन्हा दाखल करण्यात आला आहे.
आरोपी सौरभ पाटील याला पोलिसांनी अटक केली असून माढा न्यायालयात उभे केले असता दोना दिवसांची पोलिस कोठडी मिळाली आहे-पुढील तपास मपोसई सारिका गटकूळ या करीत आहेत.
मुलाचे वैद्यकीय शिक्षणही अपूर्ण…
आरोपी मुलगा सौरभ याला मागील दोन चार वर्षापूर्वी वैद्यकीय शिक्षणासाठी कर्नाटकमध्ये मोठी रक्कम देऊन प्रवेश घेतला होता. परंतु तेथूनही हा मुलगा अर्धवट शिक्षण सोडून घरी परत आलेला होता. त्यामुळे त्यांच्यात वारंवार वाद व भांडणे होत होती, अशी माहिती नातेवाइकांनी दिली. मयत मुख्याध्यापक हे माढ्याचे माजी आमदार विनायक पाटील यांचे पुतणे होते.(स्रोत:लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
