टीम मंगळवेढा टाईम्स ।
बदलापूर घटनेनंतर खडबडून जागे झालेल्या शिक्षण विभागाने सर्व शाळांमधील विद्यार्थ्यांच्या सुरक्षिततेला प्राधान्य देण्यासाठी विविध उपाययोजना आखण्यास सुरुवात केली आहे.
दरम्यान, आता जिल्हा परिषद मुलांच्या सुरक्षेसाठी सीसीटीव्ही कॅमेरे बसविणार असून, पहिल्या टप्प्यात ४०० शाळा सीसीटीव्ही कॅमेऱ्याच्या कक्षेत येणार असून, शाळेतील प्रत्येक हालचालीवर शाळेचे मुख्याध्यापक आता विशेष लक्ष ठेवणार आहेत.
सोलापूर जिल्ह्यात ३२५ खासगी प्राथमिक तर ६५३ खासगी माध्यमिक शाळा कार्यरत आहेत. तर जिल्हा परिषद शाळांची संख्या २७७७ एवढी आहे. तसेच ३५० इंग्रजी माध्यमाच्या शाळा आहेत. याशिवाय उच्च माध्यमिक शाळा आहेत. सर्व शाळांमध्ये सीसीटीव्ही कॅमेरे टप्प्याटप्प्याने बसविण्यात येणार आहेत.
ज्या शाळांमध्ये यापूर्वी कॅमेरे बसविण्यात आले होते, पण ते आता सध्या बंद स्थितीत आहेत, तेही दुरूस्त करून सुरू करण्याच्या सूचना शिक्षण विभागाने संबंधित शाळांच्या शिक्षणाधिकारी कादर शेख यांनी मुख्याध्यापकांना दिल्याची माहिती दिली.
नियोजन समितीने दिले ३ कोटी १० लाख
जिल्हा नियोजन समितीने जिल्हा परिषदेच्या शाळांमध्ये सीसीटीव्ही कॅमेरा बसविण्यासाठी ३ कोटी १० लाखांचा निधी मंजूर केला आहे. तो निधी लवकरच मिळणार असून, पहिल्या टप्प्यात ४०० शाळांमध्ये सीसीटीव्ही कॅमेरे बसविण्यात येणार आहेत. त्यासंदर्भातील नियोजन, आराखडा तयार करण्यात आला आहे.
२७०० शाळांमध्ये नाही सीसीटीव्ही
जिल्ह्यातील खासगी प्राथमिक, माध्यमिक, जिल्हा परिषद, इंग्रजी, उर्दू, कन्नड माध्यमाच्या अशा एकूण २७०० शाळांमध्ये सीसीटीव्ही कॅमेरे नसल्याची धक्कादायक माहिती समोर आली आहे. पण विद्यार्थ्यांच्या सुरक्षेच्या दृष्टीने प्रत्येक शाळेने विविध उपाययोजना आखल्या आहेत. त्यानुसार त्याची अंमलबजावणी सुध्दा होत असल्याचे शिक्षण विभागाने सांगितले.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
