टीम मंगळवेढा टाईम्स ।
उन्हाळी सुट्टीत मामाच्या गावी आलेला १४ वर्षीय भाचा ट्रॅक्टरसह कालव्यात कोसळल्याने त्याचा दुर्दैवी मृत्यू झाल्याची घटना रविवारी (दि.१२) सकाळी साडेआठ वाजण्याच्या सुमारास बाभुळगांव शिवारात घडली.
अभिजीत नानासाहेब भोजने (वय १४, रा.बोराळे, ता. मंगळवेढा) असे मयत मुलाचे नांव आहे. शाळेला उन्हाळ्याची सुट्टी लागल्याने अभिजीत हा आपला मामा नाना हणमंत आंबुरे यांच्याकडे बाभुळगांव येथे आलेला होता.
रविवारी घरातील सर्वजण कामात व्यस्त असताना अभिजीत याने नटबोल्ट खोलण्याच्या पान्याच्या सहाय्याने ट्रॅक्टर चालू केला. त्यानंतर कांहीवेळ तो परिसरात ट्रॅक्टर फिरवत होता.
यादरम्यान, अचानक ताबा सुटल्याने ट्रॅक्टर जवळच असलेल्या उजनी कालव्यात कोसळला. त्याखाली दबल्याने अभिजीतत याचा मृत्यू झाला.
या घटनेने संपूर्ण परिसरात हळहळ व्यक्त होत आहे. याप्रकरणी तालुका पोलीस ठाण्यात नोंद करण्यात आली आहे. पुढील तपास पोलीस हवालदार वाडदेकर करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
