मंगळवेढा टाईम्स न्युज नेटवर्क ।
केंद्र व राज्य सरकारच्या माध्यमातून पंढरपूर व मंगळवेढा मतदारसंघात शेकडो कोटी रूपयांचा निधी आला असून यातून अनेक कामे मार्गी लागत आहेत. याचवरोवर मागील नऊ वर्षांत पंतप्रधान नरेंद्र मोदी यांच्या नेतृत्वाखाली देशात चौफेर विकास होत असल्याची माहिती आमदार समाधान आवताडे यांनी पत्रकार परिषदेत दिली.
केंद्रातील पंतप्रधान नरेंद्र मोदी यांच्या सरकारला नऊ वर्षे पूर्ण झाल्याच्यानिमित्ताने केलेल्या कामांची व योजनांची माहिती देण्यासाठी पत्रकार परिषदेचे आयोजन करण्यात आले होते.
यावेळी बोलताना आमदार आवताडे यांनी केंद्रीय स्तरावरून रावविण्यात आलेल्या योजनांची माहिती देत मतदारसंघातील कामांवर प्रकाशझोत टाकला. ते म्हणाले, केंद्रीय रस्ते वाहतूक मंत्रालयाने हजारो कोटी रूपये खर्च करून पंढरपूरला जोडणारे सर्व रस्ते महामार्ग दर्जाचे तयार केले आहेत.
केंद्राच्या नगरपरिषदेसह विविध विभागांसाठी असणाऱ्या योजनांतून कोट्यवधी रूपयांचा निधी मिळाला आहे. तर राज्य सरकारच्या माध्यमातून नऊशे कोटी रूपयांहून अधिकची कामे होत आहेत.
राज्य सरकारने पंढरपूरच्या उपजिल्हा रुग्णालय शंभरवरून दोनशे खाटांचे करण्यासाठी तेरा कोटी रूपयांचा निधी दिला आहे.
तसेच पंढरपूरमध्ये एमआयडीसी स्थापन करण्यास उच्चाधिकारी समितीची मान्यता मिळाली असून आता लवकरच यावर निर्णय अपेक्षित आहे. नामसंकीर्तन सभागृहाला वीस कोटी रूपये देण्यात आले आहेत. पंढरपूरचे यात्रा अनुदान दहा कोटी रूपये इतके वाढविण्यात आले आहे.
पंढरपूर शहरातील नवीन पाणी योजनेसाठी ११० कोटी रूपयांच्या योजनेला मान्यता मिळत असून ड्रेनेजसाठीही नवीन १०५ कोटी रूपयांचा प्रकल्प प्रस्तावित आहे. शहरातील रस्त्यांसाठी १०० कोटी रूपयांची योजना तयार करण्यात आली आहे.
वाखरी ते पंढरपूर या पालखी मार्गाच्या कामासाठी दीडशे कोटी रूपयांचे काम मंजूर असून सरगम चौक ते शहरात येणाऱ्या उड्डाणपुलाचे ऑनलाइन भूमिपूजन कालच पार पडले असल्याचे आमदार आवताडे यांनी सांगितले.
मंगळवेढ्यातील चोवीस गावांच्या उपसासिंचन योजनेला तांत्रिक मंजुऱ्या मिळाल्या असून लवकरच याचे काम ही सुरू होईल. याचवरोवर म्हैसाळ योजनेत समाविष्ट गावांच्या योजनेसही निधी मिळत आहे.
पंढरपूर व मंगळवेढा भागात विविध विभागांतील कामांना राज्य सरकार निधी देत आहे. पंढरपूरच्या श्री विठ्ठल रूक्मिणी मंदिराच्या सुशोभिकरणाचा ७३ कोटी रूपयांचा आराखडा मंजूर करण्यात आला असल्याचे आवताडे यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
