टीम मंगळवेढा टाईम्स ।
फेसबूकवर ओळखीचा मित्र सोलापुरातील अक्कलकोट रोडवरील एका नगरात भाड्याच्या घरात राहणाऱ्या महिलेच्या अंगणात आला आणि त्यानं मला तुझ्याशी बोलायचे आहे म्हणत अश्लील वर्तन केले.
आरडाओरडा केल्यानंतर त्याने पती-पत्नींना शिव्या देत दमदाटी करून पोबारा केला. या प्रकरणी एमआयडीसी पोलीस ठाण्यात विनयभंगाचा गुन्हा नोंदला आहे.
पोलीस सूत्रांनुसार यातील पीडित महिला अक्कलकोट रोडवरील एका नगरात राहते. ते मूळचे दक्षिण सोलापूर तालुक्यातील एका गावचे आहेत.
कामानिमित्त पती – पत्नी सोलापुरात आले आहेत. भाड्याच्या घरात राहून आपले अर्थार्जन करतात.
मला तुझ्याशी बोलायचे आहे..
पीडित महिलेची फेसबूकवर लक्ष्मण सलगर (रा.लातूर) याच्याशी ओळख झाली होती. रात्री साडेदहाच्या सुमारास तो पीडित महिला जेथे राहते तिच्या अंगणामध्ये आला.
‘मला तुझ्याशी बोलायचे आहे, माझ्यासोबत बाहेर चल ‘म्हणाला. बोलत बोलतच त्याने अंगाशी झोंबाझोंबी करून अश्लील वर्तन केले.
आरडाओरडा करताच घरातून पती बाहेर आला. तेव्हा दोघांनाही शिवीगाळ व दमदाटी करीत पसार झाला.
या व्यक्तीपासून आपल्यास धोका असल्याने पीडितेने आरोपीविरुद्ध तक्रार दिल्याने त्याच्याविरुद्ध गुन्हा नोंदला आहे. पुढील तपास एमआयडीसी पोलीस ठाण्याचे वरिष्ठ पोलीस निरीक्षक माने करीत आहेत .(स्रोत:लोकमत)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
