टीम मंगळवेढा टाईम्स ।
मराठा आरक्षणाचा प्रश्न लवकरच मार्गी लावू तसेच आरक्षणासंबंधित लवकरच बैठक घेण्यात येईल असे घोषणा वजा आश्वासन मुख्यमंत्री एकनाथ शिंदे यांनी मराठा समाजाला दिले आहे.
मराठा आरक्षणाची मागणी आता पुन्हा जोर धरु लागलीय. मराठा क्रांती ठोक मोर्चानं आता सरकारला अल्टिमेटम दिलाय.
मराठा आरक्षणाशिवाय निवडणुकांचा प्रयत्न झाल्यास तो हाणून पाडू, असाही इशारा क्रांती मोर्चाकडून देण्यात आलाय.
दरम्यान, आता नरेंद्र पाटील यांनीही मराठा आरक्षणावर भाष्य केलंय. आज राज्याचे मुख्यमंत्री एकनाथ शिंदे यांची भेट घेऊन मौजे भांबेरी, जि. जालना येथील मनोज जरांगे पाटी यांनी मराठा समाजाच्या विविध मागण्यांसाठी सुरू केलेलं आमरण उपोषण आणि त्यांच्या विविध मागण्यांचं निवेदन दिलं.
नरेंद्र पाटलांनी मुख्यमंत्र्यांना निवेदन दिलं. त्यानंतर मुख्यमंत्री मराठा समाजासाठी लवकरच बैठक घेणार आहेत, असं त्यांनी सांगितलं.
आरक्षणासह इतर मागण्या तातडीनं मार्गी लावू, असंही मुख्यमंत्री एकनाथ शिंदे यांनी आश्वासन दिलंय. महाविकास आघाडी सरकार सत्तेत असताना मराठा समाजाच्या अनेक मागण्या पूर्ण झाल्या नाहीत.
त्यामुळं सध्याचं नवं सरकार त्याबाबत काय पाऊलं उचलणार हे पाहावे लागेल.सकाळी मंत्रालय इथं एकनाथ शिंदे यांना भेटल्यानंतर नरेंद्र पाटील यांना मंत्रिमंडळाची पहिली बैठक असल्याकारणानं मुख्यमंत्र्यांनी रात्रीची वेळ दिली होती.
ज्यावेळी रात्री भेट झाली, त्यावेळी मुख्यमंत्री महोदयांनी उपोषणकर्ते आणि त्यांच्या मागण्यांबाबत सविस्तर माहिती जाणून घेतली, तसेच तातडीनं संयुक्त बैठक घेऊन मराठा समाजाच्या मागण्या पूर्ण करण्याचं आश्वासन दिलं.
मुख्यमंत्र्यांनी मनोज जरांगे पाटील यांच्याशी फोनवर बोलण्याचा प्रयत्न देखील केला. परंतु, फोन न लागल्यामुळं साहेबांनी उपोषणकर्त्यांना सदर व्हिडिओद्वारे निरोप दिला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
