टीम मंगळवेढा टाइम्स ।
मंगळवेढा तालुक्यातील ब्रम्हपुरी येथे गावालगत गोठयात बांधलेल्या १८ हजार रुपये किमतीच्या दोन शेळ्या चोरीला गेल्याची घटना घडली असून पशुपालकांच्या तक्रारीवरून अज्ञात चोरटयाविरूध्द गुन्हा दाखल झाला आहे.
दरम्यान, शेळया चोरीच्या प्रमाणात वाढ होत असल्याने पशुपालक धास्तावले आहेत.
पोलिस सुत्रांनी दिलेली माहिती अशी, यातील फिर्यादी आण्णासो दत्तात्रय पुजारी या पशुपालकाने ब्रम्हपुरी गावालगत असलेल्या गोठयात देशी पांढऱ्या रंगाच्या गायी, कालवड,
पंढरपुरी म्हैस यांच्यासमवेत पांढऱ्या रंगाची शेळी व तीचे दोन महिन्याचे लहान एक बोकड लहान पाट, दोन महिन्याची गाभण शेळी ही जनावरे गोठयात बांधली होती.
दि.३० च्या रात्री ८.३० वा. यातील फिर्यादी जनावरांना व शेळ्यांना चारा पाणी करून घरी गेले व जेवण करून झोपी गेले.
दि.३१ रोजी सकाळी ५.३० वा . यातील फिर्यादी जनावराकडे झाडलोट करण्यासाठी आले असता १८ हजार रुपये किमतीचे एक पांढऱ्या रंगाची व एक तांबडया रंगाची गाभण असलेल्या दोन शेळया सदर गोठयात दिसून आल्या नाहीत.
फिर्यादीने ब्रम्हपुरी परीसर, बेगमपूर, अर्धनारी, रहाटेवाडी, सिध्दापूर, तांडोर, येणकी गावात शेळ्यांचा शोध घेतला मात्र त्या मिळून आल्या नसल्याचे दिलेल्या फिर्यादीत म्हटले आहे.
याचा अधिक तपास बोराळे बीटचे पोलिस करीत आहेत. दरम्यान, मंगळवेढा परिसर व अन्य भागातून यापूर्वीही अनेक शेळ्या चोरीला गेल्या आहेत.
मध्यंतरी घरनिकी येथील शेळया चोरी प्रकरणी चोरटयाला पोलिसांनी पकडून त्यांच्याकडून काही शेळया जप्त करण्यात आल्या होत्या. पुन्हा या घटनेत वाढ होताना दिसून येत आहे.
मंगळवेढा परिसरातून पंढरपूरी जातीच्या म्हशी चोरीला गेल्या आहेत, मात्र अदयापही त्याचा तपास लागला नाही. पशुपालकांनी रात्रीच्यावेळी शेळयांची व अन्य प्राण्यांची काळजी घ्यावी असे पोलिस प्रशासनाच्यावतीने आवाहन करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
