मोहिम सुरु! मंगळवेढ्यात अवैध दारू धंद्यावर पोलिसांचा छापा; एकाविरूध्द गुन्हा दाखल

टीम मंगळवेढा टाइम्स ।

मंगळवेढा ते अकोला रोडलगत एक इसम बेकायदा दारू विक्री करीत असल्याची माहिती शहर बीट पोलिसांना मिळताच सदर ठिकाणी पोलिसांनी छापा टाकून 1070 रुपये किमतीची बेकायदा दारू जप्त करून

अमित विलास वाडदेकर (रा.किल्ला भाग) याच्याविरूध्द महाराष्ट्र दारू बंदी अधिनियमानुसार गुन्हा दाखल केला आहे.

दरम्यान पोलिसांना पाहताच आरोपी पोलिसांच्या हातावर तुरी देवून फरार होण्यात यशस्वी झाला आहे.

पोलिस सुत्रांनी दिलेली माहिती अशी,सहाय्यक पोलिस निरिक्षक बापूसाहेब पिंगळे, पोलिस नाईक दयानंद हेंबाडे, पोलिस नाईक बनकर, जाधव, पोलिस शिपाई सुरज देशमुख आदींचे पथक

अवैधरित्या चालणार्‍या धंदयावर कारवाई करण्याकरीता शहर बीट हद्दीत खाजगी वाहनाव्दारे पेट्रोलियम करीत असताना दामाजीनगर हद्दीतील

मंगळवेढा ते अकोला रोडलगत हॉटेल गावरानच्या पाठीमागे एक इसम चोरून दारू विक्री करीत असल्याची गोपनीय माहिती या पथकास मिळताच सदर ठिकाणी पथक पोहोचले असता

यातील आरोपी अमित वाडदेकर हा पोलिसांना पाहताच मुद्देमाल जागेवर टाकून पळून गेला.

पोलिसांनी घटनास्थळावरून 1070 रुपये किमतीची दारू जप्त केली आहे.याची फिर्याद पोलिस शिपाई सुरज देशमुख यांनी दिल्यावर आरोपीविरूध्द गुन्हा दाखल करण्यात आला आहे.

डी.वाय.एस.पी.राजश्री पाटील यांच्या मार्गदर्शनाखाली पोलिस निरिक्षक रणजित माने यांनी मंगळवेढा तालुक्यातील अवैध दारू विक्री व मटका व्यवसाय याविरूध्द कडक कारवाईची मोहिम सुरु केली असून

या कारवाईमुळे अवैध व्यवसायिकांचे धाबे दणाणले आहे. ही कारवाईची मोहिम अतितीव्र करून अवैध दारू व्यवसाय समूळ नष्ट करण्याचा पोलिस प्रशासनाचा मानस असल्याचे सांगण्यात आले

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज