टीम मंगळवेढा टाईम्स।
मंगळवेढा येथील रहिवासी असलेला व बार्शीत घोटाळा केलेला विशाल फटे स्कॅमचा उलगडा करण्यासाठी सोलापूर ग्रामीण पोलिसांनी ‘एस आय टी’ स्थापन केली आहे.
सदर गुन्ह्यातील फसवणूकीची रक्कम आणि व्याप्ती मोठ्या प्रमाणात असल्याने ‘एस आय टी’ ची स्थापना करण्यात आली आहे.
या एस आय टी मध्ये पाच उच्च दर्जाच्या अधिकाऱ्यांचा समावेश असणार आहे. शेकडो लोकांना करोडोचा गंडा घालणारा विशाल फटे अद्यापही फरार आहे.
आत्तापर्यंत 50 नागरिकांनी समोर येऊन तक्रारी केल्या आहेत. 12 ते 15 कोटींचा घोटाळा समोर आला आहे. घोटाळ्याच्या रकमेचा आकडा वाढण्याची शक्यता व्यक्त करण्यात आली आहे.
तीन महिन्यात दुप्पट पैसे देण्याच्या अमिषाला बळी पडून बार्शीतील बड्या मंडळींनी कोट्यवधी रुपयांची गुंतवणूक केली.
मात्र ‘विशालका’ कंपनीचा प्रमुख विशाल फटे हा फरार झाल्यानं बार्शी परिसरात पुरती खळबळ माजाली आहे. भल्याभल्यांना गंडा घालणाऱ्या विशाल फटेचा ‘फटे स्कॅम’ आहे तरी काय जाणून घेऊयात.
काय आहे फटे स्कॅम?
सोलापूर जिल्ह्यातील बार्शी मधील विशाल फाटे या युवकाने बार्शी तसेच सोलापूर जिल्ह्यातील अनेक बड्या मंडळींना तीन महिन्यात पैसे दुप्पट करून देण्याच्या नादानं गंडवल आहे.
सुरुवातीला काही लोकांना विशाल फाटेने 28 टक्के परतव्याने पैसे परत केले, त्यामुळे बार्शी आणि परिसरात त्याने लोकांचा विश्वास संपादन केला होता.
त्याच्याकडे असलेलं अस्खलीत इंग्रजी भाषा बोलण्याचा कौशल्य, लोकांना शेअर मार्केट समजावून सांगण्याची पद्धत. यामुळे राजकीय, सामाजिक, प्रशासकीय क्षेत्रातील अनेक दिग्गज मंडळी पैसे गुंतवण्यास तयार झाली.
मात्र, ‘विशालका शेअर्स सर्व्हिसेस कंपनी’चा सर्वेसर्वा असणारा विशाल फाटे मागच्या तीन ते चार दिवसांपासून गायब झाल्याने अनेक मंडळींना धक्का बसला आहे.
या प्रकरणात बार्शी पोलीस स्टेशनात विशाल फटे सह राधिका फटे, रामदास फटे, गणपती फटे, वैभव फटे आणि अलका फटे यांच्यावर गुन्हा दाखल करण्यात आलेला आहे.
परवा मध्यरात्री सोलापूर स्थानिक पोलीस गुन्हे शाखेने शिताफीने मुख्य आरोपीचा भाऊ वैभव फटे आणि वडील अंबादास फटे यांना सांगोल्यातून अटक केली आहे. मात्र, अनेकांना करोडोचा गंडा घालणारा मास्टर माईंड विशाल फटे अद्याप फरारच आहे.(स्त्रोत:साम TV)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
