टीम मंगळवेढा टाईम्स ।
मंगळवेढा शहरात सध्या चांगल्या सिमेंट रस्त्यावर पेव्हर ब्लॉक टाकण्यात आले असून हे काम अतिशय निकृष्ठ असून यासाठी चौकशी करावी अशी मागणी भाजयुमोचे जिल्हा सरचिटणीस सुदर्शन यांनी केली आहे.
मंगळवेढा नगरपरिषदेच्या माध्यमातून शहरात विविध भागात रस्ता करणे, गटारी करणे, पेव्हर ब्लॉक टाकणे असे कामे सुरू आहेत.
चांगल्या रस्त्यावर पेव्हर ब्लॉक करणे, चांगले उकरून पुन्हा त्याच जागी रस्ते करणे असे देखील कामे नगरपरिषद करत आहे.
शनिवार पेठ येथील बेरड गल्ली मध्ये चांगल्या सिमेंट रस्त्यावर पेव्हर ब्लॉक टाकले गेले, सदरील नागरिकांचा विरोध असताना देखील रात्रीच्या वेळी हे काम करण्यास सुरवात केली,
अजून सदरील काम पूर्ण झाले नसताना देखील पुढे काम चालू पण मागे नवीन पेव्हर ब्लॉक आरण्यास सुरवात झाली आहे.
संबंधित कामाबद्दल अधिकाऱ्यांकडे तक्रार करून देखील त्यांनी प्रत्यक्ष काम न पाहता, तक्रारीकडे लक्ष न देता ते ठेकेदारांना दुजोरा देण्याचे काम करत आहेत.
सदरील पेव्हर ब्लॉक हे निकृष्ट दर्जाचे आहे असे तक्रार असताना देखील त्याची दखल न घेता ब्लॉक बसवले व लगेच हे ब्लॉक आरले गेले आहे.
पुढचे पाठ मागचे सपाट अशी गत ह्या कामाची झाली आहे. फक्त बिल काढणे एवढा उद्देश सर्वांनी ठरवला आहे.
सदरील बेरड गल्ली भागातील पेव्हर ब्लॉक कामे, गटार कामे सुरू असून यामधील काही भागात काही महिन्यांपूर्वी ब्लॉक बसवले तेथील अवस्था देखील दयनीय झाली आहे.
या एकूण छोट्या छोट्या ६ कामाकरता एकूण २९ लाख १७ हजार पाचशे चार रुपयांचे टेंडर मंजूर करण्यात आले आहे. पण सदरील अशी निकृष्ठ कामे करून पैसे खाण्याचे काम सुरू असल्याची यादव यांची तक्रार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
