टीम मंगळवेढा टाईम्स ।
सत्यसाई सेवा संघटना महाराष्ट्र राज्य यांच्या मार्फत साई इम्यूनिटी किट वाटप कार्यक्रम मंगळवेढा येथिल सेवाभावी दांपत्य डाॅ.शरद शिर्के व डाॅ.सौ.प्रिती शिर्के यांच्या शिर्के हाॅस्पिटल मंगळवेढा येथे पार पडला.
डाॅ. शरद शिर्के यांचे वडील माजी सैनिक वसंतराव गोविंद शिर्के अध्यक्षस्थानी होते. तर डाॅ. प्रिती शिर्के यांच्या आई कमल त्र्यंबक साळुंखे प्रमुख पाहुण्या म्हणून उपस्थित होत्या.
सन्माननीय प्रा. विजयकुमार शिंदे व प्रा. महादेव दिवटे यांच्या हस्ते सत्यसाई यांच्या पूजनाने कार्यक्रमाची सुरूवात झाली. करोना महामरित दिवंगत झालेल्या ज्ञात अज्ञात नागरिकांना श्रद्धांजली वाहण्यात आली.
सत्यसाई सेवा संघटनेचे पदाधिकारी मा. संपत वाघाटे यांनी साई इम्यूनिटी किट वाटपाचे नियोजन केले . कोविड प्रतिबंधक प्रतिकार शक्ती साठी आवश्यक सर्व औषधे व साधने प्रत्येक किट मधे समाविष्ट आहेत .
Protein powder प्रोटीन पावडर , Ors sachet, O.R.S. सिरप , Vitamin c and zinc tablet व्हीटॅमिन क व झिंक गोळ्या , Diclogela गोळ्या , 4 masks मास्क , Toilet soap साबण व 6 गरजूंना steam vapouriser वाफारा घेण्यासाठी संयंत्र आदीचा समावेश आहे. सोबत सत्यसाई बाबांचा आकर्षक फोटो व विभूती प्रदान करण्यात आली आहे.
डाॅ. सौ. प्रिती शिर्के यांनी ज्येष्ठांच्या व्याधी , आजारपण व एककल्ली वर्तन यावर खुसखुशीत मार्गदर्शन केले. ज्येष्ठांनी कसे सकारात्मक वागावे व कसे वागू नये यावर सहज समजेल असे मार्गदर्शन केले.
डाॅ. शरद शिर्के यांनी किट मधील प्रत्येक औषध, पौष्टिक पावडर , सिरप व उपकरणे यांची सविस्तर माहिती दिली.
ज्येष्ठ नागरिक संघ व ज्येष्ठ नागरिक सेवा संघ , मंगळवेढा चे सर्व संचालक व सभासद बंधू भगिनींना सन्मानपुर्वक निमंत्रित करण्यात सोलापूर जिल्हा समन्वय समितीचे पदाधिकारी प्रा. विजय कुमार शिंदे , प्रा. महादेव दिवटे व प्रा. यतिराज वाकळे यांनी परिश्रम घेतले. एकुण 62 मान्यवर उपस्थित होते. शिर्के परिवारातर्फे उपस्थितांना अल्पोपहार व चहापान देण्यात आले.
संपुर्ण कार्यक्रमाचे सुत्रसंचालन प्रा. दत्ता जमदाडे मंगळवेढा यांनी केले. प्रा. विजयकुमार शिंदे, प्रा. महादेव दिवटे, प्रा. श्रीधर भोसले व सेवानिवृत्त बॅक आधिकारी मा.कोष्टी साहेब यांनी यथोचित मनोगत व्यक्त केले.
सेवानिवृत्त मुख्याध्यापिका पट्टनशेट्टी मॅडम यांनी गायीलेल्या पसायदानाने कार्यक्रमाची सांगता करण्यात आली.
ज्येष्ठ नागरिक सेवा संघ व ज्येष्ठ नागरिक संघ या दोन्ही संस्थांच्या वतीने माजी सैनिक वसंतराव शिर्के, मातोश्री कमल साळुंखे , डॉ शरद शिर्के, डाॅ. प्रिती शिर्के व संपत वाघाटे यांचे सत्कार प्रा. महादेव दिवटे, सौ . नंदा दिवटे, जयकिसन बजाज, सौ आशालता बजाज, ह.भ.प. आप्पाराव मांजरे गुरूजी, सौ. शोभाताई मांजरे, जनाब एन्.के मुल्ला साहेब, सौ. मिजासबेगम मुल्ला व सुनंदा कलूबर्मे यांच्या हस्ते सत्कार करण्यात आले.
सदर कार्यक्रमास साहित्यिक प्रा. प्रकाश जडे, वृक्ष मित्र प्रा. नामदेव पौळ, नाट्यकर्मी प्रा नारायणराव घुले , लोकप्रिय शिक्षक प्रा. माळी सर , उद्योजक असिफ मुल्ला, माजी विद्यार्थी ह्रदयनाथ दिवटे व शिर्के हाॅस्पिटल चा सेवकवृंद आदी उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
