मंगळवेढा ब्रेकिंग! उसने दिलेल्या पैसे परत मागण्याच्या कारणावरून वृद्धाची हत्या; सहाजणांवर गुन्हा दाखल

टीम मंगळवेढा टाईम्स। 

उसने दिलेल्या पैसे परत मागण्याचे व राणु रोकडे हिला आठ दिवसापुर्वी काय म्हटला या कारणावरुन झालेल्या भांडणात अंबादास एकनाथ रोकडे (65, रा.मुढवी ता.मंगळवेढा) या वृद्धाचा मृत्यू झाला आहे. ही घटना रविवार दि.23 मे रोजी रात्री 9 च्या सुमारास फिर्यादी वैजीनाथ अंबादास रोकडे यांच्या राहत्या घरासमोरील व्हरांडयात घडली आहे.

याप्रकरणी दत्तात्रय दिंगबर कदम, सिताराम दत्तात्रय कदम, सागर प्रकाश कदम , प्रशांत उर्फ भैया शंकर लवळे, नागनाथ अंबादास रोकडे व राणु नागानाथ रोकडे (सर्व रा.मुढवी) यांच्याविरोधात मंगळवेढा पोलीस ठाण्यात गुन्हा दाखल करण्यात आला आहे.

याबाबत पोलीस सूत्रांकडून मिळालेली अधिक माहिती अशी की, दि.23 मे रोजी रात्री 9 च्या सुमारास आरोपी दत्तात्रय दिंगबर कदम हा त्याच्या मोटार साकलवरून येवुन त्याच्या हातातील कोयता व्हरांडयाच्या भिंतीजवळ ठेवुन फिर्यादीस तु माझी मुलगी राणु हिला आठ दिवसापुर्वी काय म्हणाला असे विचारून शिवीगाळी करून हाताने मानगुटीवर मारत असताना दुस – या मोटार सायकलीवरून

सिताराम दत्तात्रय कदम व सागर प्रकाश कदम , प्रशांत उर्फ भैया शंकर लवळे असे येवुन शिवीगाळी करून हाताने , लाथाबुक्याने मला मारहाण करू लागले तेव्हा फिर्यादी व्हरांडयातील चुलीजवळ असलेला दगडी वरंवंडा हातात घेवुन सिताराम दत्तात्रय कदम याच्या डोक्यात मारला असता

दत्तात्रय दिगंबर कदम याने भिंतीजवळील कायता हातात घेवुन फिर्यादीस उजव्या मांडीवर मारून गंभीर दुखापत केली त्याच वेळी फिर्यादी , फिर्यादीची आई व पत्नी सोडविण्यास आली असता आईच्या तोंडावर दत्तात्रय कदम याने लाथ मारली व सिताराम कदम याने ढकलुन दिले.

त्याच वेळी फिर्यादीचा, नागनाथ अंबादास रोकडे व त्याची पत्नी राणु नागानाथ रोकडे दोघे चालत येवुन शिवीगाळी केली. भावाने आईस ढकलुन दिले त्याच वेळी फिर्यादीचे वडील उजव्या हाताने खाना खुला करीत असताना दत्तात्रय कदत , सितानाम कदम व प्रशांत उर्फ भैया लवळे यांनी याच्या अंगात लय कळ आहे असे म्हणुन वडीलांच्या अंगावर नाचुन त्यांना जिवे ठार मारले आहे.

याप्रकरणी वैजीनाथ अंबादास रोकडे यांनी फिर्याद दिली असून भादंवि कलम 302,326,323,504,506,143,147,148,149 सह महाराष्ट्र पोलीस कायदा कलम 135 प्रमाणे मंगळवेढा पोलिस ठाण्यात गुन्हा दाखल करण्यात आला आहे.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज