टीम मंगळवेढा टाईम्स ।
मंगळवेढा तालुक्याची राजकीय राजधानी म्हणून ओळख असलेल्या मरवडे ग्रामपंचायतीची आगामी निवडणूक बिनविरोध होण्याची शक्यता निर्माण झाली आहे.
मरवडे ग्रामपंचायतीच्या निवडणूकीसाठी येत्या 15 जानेवारी रोजी मतदान होणार असून 13 जागांसाठी जवळपास 5 हजार मतदार आपल्या मतदानाचा हक्क बजावणार आहेत.
2015 मध्ये मरवडे ग्रामपंचायतीची चौरंगी निवडणूक झाली होती. त्यामध्ये छत्रपती परिवाराचे प्रमुख तथा शिक्षक नेते सुरेश पवार यांच्या नेतृत्वाखालील स्वाभिमानी ग्रामविकास पॕनलने बाजी मारली होती.
या गटाकडे सध्या 9 सदस्य आहेत. गेल्या पाच वर्षात शासनाच्या विविध योजनांची अंमलबजावणी करीत जिल्हा स्मार्ट ग्रामपंचायत पुरस्कार मिळवला आहे.
गेल्या सहा महिन्यांपासून प्रमुख चारही गटाकडून ताकदीने मोर्चेबांधणी सुरु केली होती.त्यामुळे यंदाची निवडणूक रोमहर्षक होण्याची चिन्हे होती. मात्र गेल्या आठवडाभरापासून वेगवान घडामोडी घडत गेल्या.
त्यामध्ये सत्ताधारी गटाच्या विरोधात विरोधी तीन गट एकत्र आले असून प्रत्येकी चार जागावर सहमती झाली असून धनश्री परिवारालाही एक जागा देऊन सामावून घेण्यात आल्याची राजकीय वर्तुळात चर्चा वाढीस लागली आहे.
या एकीकरणाच्या समर्थनार्थ काही कार्यकर्त्यांनी फटाके फोडून आनंद साजरा केला. या सर्व घडामोडीकडे मरवडेकर जनता मात्र तटस्थपणे बघत आहे.
या पार्श्वभूमीवर छत्रपती परिवार व स्वाभिमानी पॕनलचे पदाधिकारी कार्यकर्ते सावध भूमिकेत असून जनमताचा कानोसा घेऊन पुढील धोरण ठरविणार असल्याचे समजतेया पार्श्वभूमीवर छत्रपती परिवार व स्वाभिमानी पॕनलचे पदाधिकारी,कार्यकर्ते सावध भूमिकेत असून जनमताचा कानोसा घेऊन पुढील धोरण ठरविणार असल्याचे समजते.
2010 च्या निवडणूकीत परंपरागत पवार – तांबोळी गट एकत्र आल्यानंतर जनतेने तिसऱ्या आघाडीला संधी दिली होती . या पार्श्वभूमीवर या चारही गटाच्या एकीकरणाकडे राजकीय जाणकारांचे लक्ष लागून राहिले आहे.
जनतेशी संवाद साधून बिनविरोध देऊ
मागील पाच वर्षे सूज्ञ मरवडेकर जनतेने आम्हांला काम करण्याची संधी दिली होती. पडलेली जबाबदारी आम्ही प्रामाणिकपणे पार पाडली आहे. सर्व विरोधी गट एकत्र येऊन पर्याय देण्याचा प्रयत्न करीत आहे.
या घटनेचे मी स्वागत करतो. आमच्या सत्ताधारी पॕनलने माघार घेऊन निवडणूक बिनविरोध होणार असेल तर आमची हरकत असणार नाही. मात्र याबाबतचा निर्णय जनतेशी संवाद साधून लवकरच घेऊ. बिनविरोध निवडणुकीच्या आड आम्ही येणार नाही.- संजय पवार,गटनेते , ग्रामपंचायत मरवडे.
——
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6362 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 9970 76 6262 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
