धक्कादायक! मंगळवेढ्यात महिलेस शेजारीच राहणाऱ्या पती-पत्नीने केली जबर मारहाण

टीम मंगळवेढा टाईम्स ।

कचरा टाकल्याबाबत विचारणा केल्याच्या कारणावरून चिडून कोंडुभैरी गल्ली येथील महिलेस तीच्या शेजारील एका पती पत्नीने लोखंडी पाईपने जबर मारहाण केल्याची घटना घडली आहे.

याबाबत अधिक माहिती अशी की , कोंडुभैरी गल्लीतील शगिरा समीर खतीब यांनी त्यांची जाऊ परवीन हिस तु माइया घरासमोर कचरा का टाकला असे विचारले असता तीने मी कचरा टाकणार तुला काय करायचे ते करून घे असे म्हणत शिवीगाळ केली.

त्याचवेळी तीचा नवरा युन्नूस हा घरातून हातात लोखंडी पाईप घेवून आला व त्याने शगिरा यांच्या डाव्या हाताच्या मनगटावर मारून मनगटाचे हाड फंक्चर करून जखमी केले.

तसेच परवीन हिनेही लाथाबुक्क्यांनी मारहाण केली तसेच त्या दोघांनी शिवीगाळ करून जीवे मारण्याची धमकी दिली. अशी फिर्याद शगिरा खतीब यांनी मंगळवेढा पोलिसात दिली.

पोलिसांनी आरोपीविरूध्द भा.दं.वि.सं कलम ३२६,३२३,५०४,५०६,३४ अन्वये गुन्हा दाखल केला असून – अधिक तपास पोलिस हवालदार राजेश पवार हे करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.