मोटारसायकल चोरणारी अट्टल टोळी मंगळवेढा पोलिसांच्या जाळ्यात

मंगळवेढा:समाधान फुगारे

सोलापूर,मंगळवेढा, सांगली,मिरज,विजापूर विविध पोलिस ठाण्याच्या हद्दीमध्ये दुचाकी मोटारसायकलची चोरी करणारी टोळी मंगळवेढा पोलिसांच्या जाळ्यात सापडली आहे.संभाजी हणमंत नलवडे (वय 26), प्रसन्ना उर्फ गोटया प्रकाश कल्ली (वय 22 ) .(दोघे रा.संख ता .जत जि .सांगली) व कुमार तानाजी पाटील (रा .बोराळे ता . मंगळवेढा) या तिघांना मंगळवेढा पोलिसांनी अटक केली आहे.

जाहिरातीसाठी संपर्क:7588214814

आरोपीवर चोरीचे गुन्हे दाखल आहेत. तिघांना पोलिसांनी ताब्यात घेतले असून त्यांच्याकडून २० दुचाकी ताब्यात घेतल्या आहेत. त्यांनी चडचण, अथणी,इरकल परिसर व शहरातील दुचाकी चोरल्या आहेत, अशी माहिती उपविभागीय पोलिस अधिकारी दत्तात्रय पाटील यांनी पत्रकार परिषदेत दिली.

मंगळवेढा पोलिसांना दुचाकी चोरी करणाऱ्या टोळीची माहिती खबऱ्याकडून मिळाली होती. दोन इसम मरवडे येथील हॉटेल महाराजा समोर चोरीची बिगर नंबरची हिरो एचएफ डीलक्स मोटर सायकल विक्री करिता येणार असल्याची खात्रीशीर बातमी मिळाली असल्याने मंगळवेढा पोलीस ठाणेचे पोसई पुजारी,स.फौ राऊत ,पो.ना सुनिल मोरे , पो.कॉ अनिल दाते हे खाजगी वाहनाने मरवडे येथे जावून मिळाले बातमीप्रमाणे हॉटेल महाराजा येथे जावून आजबाजुस थोडया थोडया अंतरावर वॉच करीत थांबले होते

दि. २८ जानेवारी रोजी दुपारी २.१५ च्या सुमारास हुलजंती कडून येणारे रोडने दोन इसम लाल रंगाची हिरो एचएफ डिलक्स मोटारसायकल वरुन हॉटेल महाराजा समोर येवून थांबले असता त्यांना जागीच पकडले व त्यांना नाव पत्ता विचारले असता मोटारसायकल चालविणारे इसमाने आपले नाव संभाजी हणमंत नलवडे (वय 26 वर्षे रा .संख ता . जत जि . सांगली) व पाठीमागे बसलेल्या इसमाने आपले नाव प्रसन्ना उर्फ गोटया प्रकाश कल्ली (वय 22 वर्षे) . त्यांना पोलीसांनी त्यांचे ताबेत असलेल्या मोटारसायकलचे कागदपत्र व लायसन बाबत विचारपुस करता ते उडवाउडवीची व असमाधानकारक उत्तरे देवू लागले व कावरेबावरे झालेने त्यांचा पोलीसांना संशय आल्याने त्यांना अधिक विश्वासात घेवून मोटारसायकल बाबत विचारपुस करता त्यांनी सदरची मोटारसायकल ही गेल्या 5 – 6 महिन्यापूर्वी मंगळवेढा शहरातील हॉटेल शिवनेरी चे समोरुन डुप्लीकेट चावीचा वापर करुन चोरलेली असल्याचे त्यांनी समक्ष सांगितले .

त्याप्रमाणे पोसई पुजारी यांनी ताब्यात घेवून पोलीस ठाणेत हजर केले व त्यानंतर पोलीसांनी त्यास मंगळवेढा पोलीस ठाणे गु . र . नं . 47 / 2020 भा . दं . वि . क . 379 , 34 या गुन्हयात अटक करुन त्याचेकडे अधिक तपास केला असता यातील आरोपी यांनी महाराष्ट्रातील सांगली , मिरज , सोलापूर , मंगळवेढा येथून तसेच कर्नाटक राज्यातील विजापूर , अथणी , इरकल , चडचण येथून चोरुन आणल्या असल्याचे व त्यांची बोराळे परिसरात विक्री करणेकरीता त्याचा नातेवाईक कुमार तानाजी पाटील (रा . बोराळे ता . मंगळवेढा) याचे ताब्यात दिलेली असल्याची कबुली दिल्याने त्यांचेकडे 9 मोटारसायकली हस्तगत करण्यात आलेल्या असून सदर गुन्हयाचे कामी कुमार तानाजी पाटील यास अटक करण्यात आलेली आहे .

तसेच उर्वरीत आरोपी नं . 1 संभाजी हनुमंत नलवडे रा संख ता . जत जि सांगली याचे माहितीप्रमाणे चोरलेल्या 10 मोटारसायकल त्याचे घरातून व शेतातुन जपत करुन ताब्यात घेतलेल्या आहेत .

सदरची कामगिरी मनोज पाटील , पोलीस अधीक्षक , अतुल झेंडे अपर पोलीस अधीक्षक , सोलापूर ग्रामीण ,दत्तात्रय पाटील उपविभागीय पोलीस अधिकारी , मंगळवेढा विभाग मंगळवेढा यांचे मार्गदर्शनाखाली पोलीस निरीक्षक जोतीराम गुंजवटे , पोलीस उपनिरीक्षक दत्तात्रय पुजारी , सहा . फौजदार संजय राऊत , पोलीस नाईक / सुनिल मोरे , पोकॉ / अनिल दाते , पोकॉ / अजित मिसाळ यांनी केलेली असून सदर गुन्हयाचा तपास सहा . फौजदार संजय राऊत हे करीत आहेत व सदर आरोपींनी आणखी 2 मोटारसायकली , एक ट्रेलर चोरली असल्याची कबुली दिली असून त्या अनुशंगाने तसेच त्यांचे आणखी साथीदार असण्याची शक्यता असल्याने त्या अनुशंगाने तपास चालू आहे.