टीम मंगळवेढा टाईम्स ।
श्री.संत दामाजी साखर कारखान्याच्या चालू गळीत हंगाम २०२१-२२ मध्ये दि.३० नोव्हेंबर २०२१ अखेर गळीतास आलेल्या ऊसाचे अहडव्हान्स बील २१०० रूपयाप्रमाणे शेतकऱ्यांना अदा करण्यात आले असल्याची माहिती चेअरमन आ.समाधान आवताडे दिली.
सदर ऊस बीलाची रक्कम शेतकऱ्यांच्या मागणीनुसार बँक ऑफ महाराष्ट्र शाखा ब्रम्हपुरी, राजमाता अर्बन को – ऑप . बँक लि ., मंगळवेढा , यशोदा महिला नागरी सह . पतसंस्था मंगळवेढा,
स्टेट बँक ऑफ इंडिया शाखा मंगळवेढा , समर्थ सहकारी बँक शाखा मंगळवेढा , सोलापूर जिल्हा मध्यवर्ती सह.बँक , धनश्री महिला ग्रामीण बिगरशेती सह. पतसंस्था मंगळवेढा,
बबनराव आवताडे नागरी बिगरशेती पतसंस्था मंगळवेढा याठिकाणी संबंधीत शेतकऱ्यांच्या नांवे एकूण ५८ हजार ८२५.११६ मे . टनाचे देय रक्कम १२ कोटी १९ लाख ८७ हजार ८९५ रूपये वर्ग करण्यात आलेली आहे.
तसेच दि.३० नोव्हेंबर २०२१ अखेर तोडणी वाहतूक केलेल्या ठेकेदारांची तोडणी वाहतूक बिलाची रक्कम व गेटकेन ऊसाची बीलाची रक्कमही वरीलप्रमाणे बँकेमध्ये वर्ग करण्यात आली आहे.
चालु गळीत हंगामात दि.२६ डिसेंबर २०२१ अखेर १ लाख ३५ हजार ६८५ मे.टन ऊसाचे गाळप होऊन एकूण १ लाख २३ हजार २६० क्विंटल साखर पोत्याचे उत्पादन झाले आहे.
ऊसाच्या रिकव्हरीमध्ये वाढ होत आहे. चालू गळीत हंगामामध्ये दररोज सरासरी ते ३६०० मे. टनापर्यंत गाळप होत असून संचालक मंडळ, ऊस तोडणी वाहतूक यंत्रणा,
ऊस उत्पादक सभासद शेतकरी, अधिकारी व कामगार यांचे सहकार्यातून चालू गळीत हंगामाचे उद्दीष्ठ निश्चितच पार करू, अशी माहिती प्र.कार्यकारी संचालक रमेश गणेशकर यांनी दिली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज