नागरिकांनी कोणत्याही भावनिक अमिषाला बळी न पडता; विकासासाठी समाधान आवताडेंना विधानसभेत पाठवा : आ. प्रशांत परिचारक

टीम मंगळवेढा टाईम्स ।

आपला माणूस म्हणून वेळ प्रसंगी आपल्या मदतीला धावणाऱ्या समाधान आवताडे यांच्यासाठी सर्वांनी आता पुढं यायला हवं.कोणत्याही भावनिक अमिषाला बळी न पडता.विकासासाठी समाधान आवताडे अर्थात भाजपच्या कमळ चिन्हा समोरील बटन दाबून निवडून आणण्यासाठी सहकार्य करा आणि भरघोस मतदान करा असं आवाहन परिचारक यांनी केले.

ते पंढरपूर मंगळवेढा विधानसभा मतदारसंघाचे भारतीय जनता पक्ष, रिपाई आठवले गट,रयत क्रांती संघटना, रासप पक्षाचे अधिकृत उमेदवार समाधान महादेव आवताडे यांच्या प्रचारार्थ नंदूर येथे गावभेट दरम्यान कॉर्नर सभेप्रसंगी बोलत होते.

आ.परिचारक पुढे बोलताना म्हणाले की, मतदारसंघाच्या तीन वेळा स्व.भालके यांना मिळालेली मते पाहिल्यास दीड लाख मते विरोधात आहेत.मताची विभागणी होऊ नये, यासाठी आम्ही एकत्र आलो आहोत,गेल्या 11 वर्षात न झालेला विकास होण्यासाठी आवताडे यांच्या पाठीशी उभे राहू असे परिचारक यांनी सांगितले.

मंगळवेढ्याचा भूमिपुत्र म्हणून कर्तृत्व,दातृत्वान असलेला नेता उद्योगपती समाधान आवताडे यांना मतदारसंघाच्या सर्वांगीण विकास कामासाठी आमदार म्हणून विधानसभेत पाठवा असे आवाहन जिल्ह्याचे आ. प्रशांत परिचारक यांनी आरळी येथील सभेत व्यक्त केले.

या प्रचार दौऱ्याची सुरुवात शुक्रवार पासून झाली असून आज शनिवार दिनांक 3 एप्रिल रोजी स. ७ वा. अरळी, ८:३० नंदूर, स १० डोणज, भ १०:30 भालेवाडी, दु १ वा .फटेवाडी, दु 3 वा बालाजी नगर, 3.30 कर्जाळ, दु . ४वा कात्राळ, ४:30कागष्ट, सा५ वा डिकसळ, सा .६ वा. तळसंगी, सा .७:30 मरवडे.अशा प्रकारे समाधान आवताडे यांच्या मंगळवेढा ग्रामीण मधून प्रचार दौरा सुरुवात झाली आहे.

या प्रचार दौरा मधून महायुतीच्या नेत्याकडून हे पोटनिवडणूक आम्ही जिंकूनच दाखवणार असल्याचा आत्मविश्वास व्यक्त केला आहे.
महाविकास आघाडीच्या कारभारावर टीका करत पोटनिवडणूक राज्याच्या राजकारणात परिवर्तन घडवून देण्यासाठीची एक सुरुवात समजली जाणार आहे.

या प्रचार दौऱ्यानिमित्त उपस्थित प्रमुख मान्यवर जिल्ह्याचे माजी पालकमंत्री लक्ष्मणराव ढोबळे,कृषी उत्पन्न बाजार समितीचे सभापती सोमनाथ आवताडे,भाजप जिल्हा अध्यक्ष श्रीकांत देशमुख,रयत क्रांती तालुका अध्यक्ष दीपक भोसले, भाजपचे जिल्हा सरचिटणीस शशिकांत चव्हाण,भाजपचे तालुका अध्यक्ष गौरीशंकर बुरकुल, दामाजी कारखाना संचालक राजेंद्र सुरवसे,दामाजी कारखाना संचालक लक्ष्मण जगताप, प्रा.येताळ भगत सर आदीजन उपस्थित होते. सूत्रसंचालक दिगंबर यादव यांनी केले.